କୋଳରେ ବସାଇ ଖଡି ଛୁଆଁଇଲେ ବିଧାୟକ

ଜୟପୁର , 2 ଏପ୍ରିଲ୍ : ଶିଶୁ ବାଟିକା କାଯ୍ୟକ୍ରମ ଆଜି ଠାରୁ ଆରମ୍ଭ ହୋଇଛି । କୋରାପୁଟ ଜିଲା ଜୟପୁର ପୌରାଞ୍ଚଳର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ କୁମ୍ଭାରସାହିରେ ଶୁଭାରମ୍ଭ ହୋଇଛି । ମୁଖ୍ୟଅତିଥି ଭାବେ ଜୟପୁର ବିଧାୟକ ତାରା ପ୍ରସାଦ ବାହିନିପତି ଯୋଗ ଦେଇ ଶୁଭାରମ୍ଭ କରିଥିଲେ । ବିଧାୟକ ବାହିନିପତିଙ୍କ କୋଳରେ ବସି ଖଡି ଖଡି ଛୁଆଁଇ ଆ ଆ ଲେଖିଲେ କୁନି କୁନି ପିଲା । ଏଠାରେ ସମ୍ମାନିତ ଅତିଥି ଭାବେ ଗୋଷ୍ଠି ଶିକ୍ଷାଧିକାରି ଚନ୍ଦନ କୁମାର ନାୟକ, ଏବିଓ କୈଳାଶ ଚନ୍ଦ୍ର ଶତପଥି, ପ୍ରିୟମ୍ବଦା ପାତ୍ର ଉପସ୍ଥିତ ଥିଲେ । ସେହିପରି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ମଜୁରୁମୁଣ୍ଡା, ଜୟନ୍ତିଗିରି ଉନ୍ନତି ଉଚ୍ଚ ବିଦ୍ୟାଳୟ ରେ ବ୍ଲକ ଅଧ୍ୟକ୍ଷା ତିଳୋତ୍ତମା ମୁଦୁଲି ଖଡି ଖଡି ଛୁଆଁଇ କୁନି କୁନି ପିଲାଙ୍କୁ ଅ ଆ ଲେଖାଇଥିଲେ । ଜୟପୁର ବ୍ଲକ ଅନ୍ତର୍ଗତ ମଜୁରୁମୁଣ୍ଡା, ଏକମ୍ବା, ଆମ୍ବୁଗୁଡା ଉଚ୍ଚ ପ୍ରଥମିକ ବିଦ୍ୟାଳୟ ରେ ବିଡିଓ ଶକ୍ତି ମହାପାତ୍ର କୋଳରେ ବସାଇ ଖଡି ଖଡି ଛୁଆଁଇ କୁନି କୁନି ପିଲାଙ୍କୁ ଅ ଆ ଲେଖାଇଥିଲେ । ବ୍ଲକ ସମାଜିକ ସୁରକ୍ଷା ଅଧିକାରି କେ.ଏସ ନିସା ପ୍ରାଥମିକ ବିଦ୍ୟାଳୟ ଇନ୍ଦିରା କୋଲନି ବି ରେ ଖଡି ଖଡି ଛୁଆଁଇ କୁନି କୁନି ପିଲାଙ୍କୁ ଅ ଆ ଲେଖାଇଥିଲେ । ଆଜି ଠାରୁ ଶିକ୍ଷାର୍ଥି ମାନଙ୍କ ନାମ ଲେଖାଯାଇଛି । ସେପ୍ଟେମ୍ବର ୧ ତାରିଖରୁ ବୟସ ୬ ବର୍ଷ ସମ୍ପୁଣ୍ଣ ହୋଇଥିଲେ ସେହି ପିଲାର ନାମ ପ୍ରଥମ ଶ୍ରେଣିରେ ଲେଖାଯାଇଛି । ଜାତୀୟ ଶିକ୍ଷାନୀତି ୨୦୨୦ ପ୍ରଥମ ଥର ପାଇଁ ଓଡିଶାରେ ଲାଗୁ କରାଯିବ । ଏହା ଦ୍ୱାରା ପିଲାଙ୍କୁ ଗୁଣାତ୍ମକ ଶିକ୍ଷା ଲାଭ ହେବ ଓ ପିଲାଙ୍କ ଶିକ୍ଷାରେ ଉନ୍ନତି ଆସିବ । ଏହାକୁ ନେଇ ପିଲାଙ୍କ ମଧ୍ୟରେ ଓ ଅଭିଭାବକଙ୍କ ମଧ୍ୟରେ ଖୁସି ଦେଖିବାକୁ ମିଳିଛି । ବିଦ୍ୟାଳୟର ଶିଶୁ ବାଟିକା ସକାଶେ ସ୍ୱତନ୍ତ୍ର ତାଲିମ ଦିଆଯିବ ।