ହାଙ୍ଗଝୋ : ଏସୀୟ କ୍ରୀଡାରେ ବୁଧବାର ଭାରତୀୟ ସୁଟର ଚମତ୍କାର ପ୍ରଦର୍ଶନ କରିଛନ୍ତି । ଭାରତୀୟ ମହିଳା ରାଇଫଲ ଟିମର ସିଫ୍ଟ କୌର ସମରା, ଆଶୀ ଚୌକସୀ ଏବଂ ମାନିନୀ କୌଶିକ ଏସୀୟ କ୍ରୀଡା 2023ର 50 ମିଟର ରାଇଫଲ୍ ଥ୍ରୀ ପୋଜିସନ୍ ଗେମରେ ରୌପ୍ୟ ପଦକ ଜିତିଛନ୍ତି । ତିନିଜଣ ଯାକ ମିଳିତ ଭାବେ 1764 ସ୍କୋର କରିଥିଲେ । ଅନ୍ୟପଟେ ଚୀନୀ ଟିମ୍ 1773 ସ୍କୋର କରି ସୂର୍ଣ୍ଣ ପଦକ ଜିତିଛି । ବ୍ୟକ୍ତିଗତ ଇଭେଣ୍ଟଗୁଡିକର ଯୋଗ୍ୟତା ପର୍ଯ୍ୟାୟରେ ଦେଶର ସୁଟରଙ୍କ ମିଳିତ ସ୍କୋର ଆଧାରରେ ଶୁଟିଂରେ ପଦକ ନିର୍ଣ୍ଣୟ କରାଯାଏ ।
ଭାରତୀୟ ସୁଟରଙ୍କ ମଧ୍ୟରେ ସିଫ୍ଟ କୌର ସମରା ସବୁଠୁ ଆଗରେ ରହିଛନ୍ତି । ସେ 594 ସ୍କୋର ସହିତ ଦ୍ୱିତୀୟ ସ୍ଥାନରେ ଅଛନ୍ତି ଏବଂ ଏହି ଗେମରେ ଏସୀୟ ରେକର୍ଡ ଏବଂ ଜାତୀୟ ରେକର୍ଡ ଭାଙ୍ଗିଛନ୍ତି ।
