ହୀରାକୁଦ ଜଳଭଣ୍ଡାରେ ବିଷାକ୍ତ ପଦାର୍ଥ ମିଶିବା ଘଟଣାର ତଦନ୍ତ ନେଇ ରାଜସ୍ବ ମନ୍ତ୍ରୀଙ୍କ ସୂଚନା

ସମ୍ବଲପୁର, ୧ ନଭେମ୍ବର – ସମ୍ବଲପୁର ହୀରାକୁଦ ଜଳଭଣ୍ଡାରର ପଟୁମାଟିରେ ବିଷାକ୍ତ ପଦାର୍ଥ ଜମା ହେବା ଘଟଣାର ତଦନ୍ତ ହେବ ବୋଲି ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂ଼ଜାରୀ ସମ୍ବଲପୁରରେ କହିଛନ୍ତି । ସମ୍ବଲପୁର ଗସ୍ତରେ ଆସି ମନ୍ତ୍ରୀ ନିଜର ପ୍ରତିକ୍ରିୟା ରଖିଛନ୍ତି । ଏ ବାବଦରେ ଅଧିକାରୀ ମାନଙ୍କ ସହ କଥା ହୋଇ ରିପୋର୍ଟ ତଲବ କରିଥିବା କହିଛନ୍ତି । କେବଳ ହୀରାକୁଦ ଡ୍ୟାମ ନୁହଁ ହୀରାକୁଦ ଜଳଭଣ୍ଡାରରେ ମଧ୍ୟ ଯେଉଁ ବିଷାକ୍ତ ଧାତୁ ହ୍ୟୁମାନ ଚେନରେ ଆସି ମଣିଷର କ୍ଷତି କରୁଛି, ଏ ବାବଦରେ ମଧ୍ୟ ସତ୍ୟାସତ୍ୟ ଯାଞ୍ଚ ସହ ରିପୋର୍ଟ ଦେବା ପାଇଁ କୁହାଯାଇଥିବା ମନ୍ତ୍ରୀ ସୁରେଶ ପୂଜାରୀ କହିଛନ୍ତି | ଏହାସହ କଳକାରଖାନାରୁ ନିର୍ଗତ ପଦାର୍ଥ ମଧ୍ୟ ଜଳଭଣ୍ଡାରକୁ ଛାଡି ଦିଆଯାଉଛି ତାର ମଧ୍ୟ ତର୍ଜମା ହେବ । ଏହା ସହ ଅନ୍ୟ ପ୍ରଦୂଷଣ ରୋକିବା ପାଇଁ ଝାରସୁଗୁଡା, ବରଗଡ, ସମ୍ବଲପୁର, ସୁନ୍ଦରଗଡ ଓ ଅନୁଗୁଳ ଜିଲ୍ଲାର ଜିଲ୍ଲାପାଳ ଓ ଏସପିଙ୍କୁ ନେଇ ରାଜସ୍ବ କମିଶନରଙ୍କ ଅଧ୍ୟକ୍ଷତାରେ ଏକ ବୈଠକ ହେବ ବୋଲି ଶ୍ରୀ ପୂଜାରୀ କହିଛନ୍ତି । ବାତ୍ୟା ‘ଦାନା’ର ସଫଳ ମୁକାବିଲା ପରେ ରାଜସ୍ବ ମନ୍ତ୍ରୀ ସୁରେଶ ପୂଜାରୀ ଆଜି ମା ସମଲେଇଙ୍କ ଦର୍ଶନ କରିଛନ୍ତି । ବାତ୍ୟା ମୁକାବିଲାରେ ତାଙ୍କ ବିଭାଗ ସଫଳ ହେଉ ବୋଲି ସେ ମାଙ୍କୁ ପୂର୍ବରୁ ସ୍ମରଣ କରିଥିବା କହିଛନ୍ତି । ଜିରୋ କାଜୁଆଲଟି ହେବାରୁ ଆଜି ମାଙ୍କୁ ଦର୍ଶନ କରିଛନ୍ତି । ଏହା ସହ ସମସ୍ତ ବିଭାଗ, ଅଗ୍ନିଶମ, ଓଡ୍ରାଫ୍ଟ, ଏନଡିଆରଫ ସମସ୍ତ ସଫଳତାର ସହ କାମ କରିଛନ୍ତି । ଏହା ସହ ଆଶାଦିଦି ଶିବାନୀ ମଣ୍ଡଳ ଓ ଆମ୍ବୁଲାନ୍ସ କର୍ମଚାରୀ ମାନସ ମଲ୍ଲିକଙ୍କ ସେବା କାର୍ଯ୍ୟ ପ୍ରଶଂସନୀୟ ବୋଲି ମନ୍ତ୍ରୀ ସୁରେଶ ପୂଜାରୀ କହିଛନ୍ତି । ଏହା ନୂଆ ସରକାର ପାଇଁ ଚ୍ୟାଲେଂଜ ଥିଲା ଓ ମା ସମଲେଇଙ୍କ ଆଶୀର୍ବାଦରୁ ତାହା ସଫଳ ହୋଇଥିବା କହିଛନ୍ତି । ଏପରିକି କ୍ଷୟକ୍ଷତି ମଧ୍ୟ ବିଶେଷ ହୋଇନଥିବା ମନ୍ତ୍ରୀ ଶ୍ରୀ ପୂଜାରୀ କହିଛନ୍ତି ।