ନ୍ୟୁୟର୍କ : ୟୁଏସ ଓପନର ମହିଳା ଏକକ ବର୍ଗର ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି ଆମେରିକାର 6 ନମ୍ବର ଖେଳାଳି କୋକୋ ଗଫ୍ । ବୁଧବାର ଦିନ ଗଫ୍ ତାଙ୍କ ସାଥୀ ଖେଳାଳି ମିରା ଆଣ୍ଡ୍ରିଭାଙ୍କୁ ଚଳିତବର୍ଷ ଗ୍ରାଣ୍ଡ ସ୍ଲେମରେ ଦ୍ୱିତୀୟ ଥର ପାଇଁ ପରାସ୍ତ କରିଥିଲେ । 75ମିନିଟ୍ ପର୍ଯ୍ୟନ୍ତ ଚାଲିଥିବା ଏହି ମୁକାବିଲାରେ ଗଫ୍ ତାଙ୍କ ସାଥୀ ଆଣ୍ଡ୍ରିଭାଙ୍କୁ 6-3,6-2ରେ ହରାଇଥିଲେ ।
ଏହି ବିଜୟ ସହ ଗଫ୍ ଚଳିତ ବର୍ଷ ପ୍ରମୁଖ ମୁକାବିଲାରେ ତୃତୀୟ ଥର ପାଇଁ ତୃତୀୟ ରାଉଣ୍ଡରେ ପହଞ୍ଚିଛନ୍ତି । ଦୁଇ ସପ୍ତାହ ପୂର୍ବରୁ ସିନସିନାଟିରେ ଚାମ୍ପିୟାନ ହୋଇଥିବା ଗଫ୍ ଲଗାତର ଭାବେ ସାତଟି ମ୍ୟାଚରେ ଅପରାଜୟ ରହିଛନ୍ତି । ଯାହାକି ଟୁର ସ୍ତରରେ ତାଙ୍କ କ୍ୟାରିୟରର କ୍ରମାଗତ ତୃତୀୟ ଲମ୍ବା ବିଜୟଧାରା ।
