ଲକ୍ଷ୍ନୌ, 27 ଫେବୃଆରୀ ଉତ୍ତର ପ୍ରଦେଶର ସଂଭଲରୁ ସମାଜବାଦୀ ପାର୍ଟିର ସାଂସଦ ତଥା ବରିଷ୍ଠ ନେତା ଶଫିକୁର୍ରହମାନ ବର୍କଙ୍କର ମଙ୍ଗଳବାର ବିୟୋଗ ହୋଇଛି । ସେ 94 ବର୍ଷ ବୟସରେ ମୁରାଦାବାଦର ସିଦ୍ଧ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଏଠାରେ ସେ ଚିକିତ୍ସିତ ହେଉଥିଲେ । ବର୍କଙ୍କ ବିୟୋଗରେ ସମାଜବାଦୀ ପାର୍ଟିର ଅଧ୍ୟକ୍ଷ ଅଖିଳେଶ ଯାଦବ ଓ ଶିବପାଲ ଯାଦବ ଗଭୀର ଦୁଃଖ ପ୍ରକାଶ କରିଛନ୍ତି ।
ସାଂସଦ ବର୍କଙ୍କର ଶାରିରୀକ ଦୁର୍ବଳତା ଓ ଝାଡା କାରଣରୁ ହସ୍ପିଟାଲ ଭର୍ତ୍ତି କରାଯାଇଥିଲା । ତାଙ୍କର କିଡନୀ ସଂକ୍ରମଣ ସମସ୍ୟା ଥିବା ଡାକ୍ତର କହିଛନ୍ତି । କିଛିଦିନ ପୂର୍ବରୁ ଅଖିଳେଶ ଯାଦବ ତାଙ୍କୁ ହସ୍ପିଟାଲରେ ଭେଟିଥିଲେ ।
