ଭୁବନେଶ୍ୱର : ଏସୀୟ କ୍ରୀଡାରେ ଭାରତର ସଫଳତା ଓ ପଦକ ସଂଖ୍ୟା ଶହେ ପାର ହେବା ଖେଳାଳିଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି । କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଖେଳାଳି ଓ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ଏସୀୟ ଗେମ୍ସରେ ଭାରତର ସଫଳତା ପାଇଁ ସମସ୍ତଙ୍କୁ ଅଭିନନ୍ଦନ ଜଣାଉଛି । ଏସିଆନ ଗେମ୍ସରେ ଏହା ଭାରତ ପାଇଁ ସବୁଠୁ ବଡ ବିଜୟ । ଏଥର ଆମେ 100 ରୁ ଅଧିକ ପଦକ ଜିତିଛୁ । ଏହା ହେଉଛି ପ୍ରଧାନମନ୍ତ୍ରୀ ମୋଦୀଙ୍କ ଦ୍ୱାରା ଆରମ୍ଭ ହୋଇଥିବା ‘ଫିଟ୍ ଇଣ୍ଡିଆ ଖେଲୋ ଇଣ୍ଡିଆ’ର ଫଳାଫଳ ବୋଲି କେନ୍ଦ୍ରମନ୍ତ୍ରୀ କହିଛନ୍ତି ।
