ରାଜସ୍ଥାନର ମାଉଂଟ ଆବୁ ଜଙ୍ଗଲରେ ଭୟାବହ ଅଗ୍ନିକାଣ୍ଡ, ସଙ୍କଟରେ ବନ୍ୟଜୀବଙ୍କ ଅସ୍ତିତ୍ୱ

ସିରୋହି:- ରାଜସ୍ଥାନର ମାଉଂଟ ଆବୁ ଜଙ୍ଗଲରେ ଲାଗିଥିବା ଭୟାବହ ନିଆଁ ଏବେ ବ୍ୟାପକ ଅଂଚଳକୁ ଗ୍ରାସ କରିଛି । ନିଆଁରେ ବନ୍ୟଜୀବନଙ୍କ ପ୍ରାକୃତିକ ଘର ଭସ୍ମୀଭୂତ ହୋଇଛି । ଫଳରେ ବନ୍ୟ ଜୀବଙ୍କ ଅସ୍ତିତ୍ୱ ଉପରେ ସଙ୍କଟ ସୃଷ୍ଟି ହୋଇଛି । ନିଆଁ ଲାଗିବାର 20 ଘଂଟା ପରେ ବି ଜଙ୍ଗଲର ବହୁତ ବଡ ଅଂଚଳ ଧୂଆଁରେ ଭରିଯାଇଛି । ଅନେକ ସ୍ଥାନରେ ଏବେ ବି ନିଆଁ ଲାଗିଥିବା ଦେଖିବାକୁ ମିଳିଛି । ଏହାକୁ କାବୁ କରିବା ପାଇଁ ସମସ୍ତ ଉଦ୍ୟମ ଜାରି ରହିଛି । ମାଉଂଟ ଆବୁର ଜଙ୍ଗଲ 3ଶହରୁ ଅଧିକ ଭାଲୁଙ୍କ ପ୍ରାକୃତିକ ଘର ଅଟେ । ଏହା ବ୍ୟତୀତ ଏହି ଜଙ୍ଗଲରେ ଅନ୍ୟପ୍ରକାରର ବନ୍ୟଜୀବ ବି ଅଛନ୍ତି, ଯେଉଁମାନଙ୍କର କ୍ଷତି ହୋଇଛି । ତେବେ ଏହାକୁ ନେଇ ଏବେ ଯାଏ କୌଣସି ବନ ବିଭାଗର ଅଧିକାରୀ ସୂଚନା ଦେଇନାହାନ୍ତି ।