ପ୍ରୟାଗରାଜ : ଉତ୍ତରପ୍ରଦେଶର ପ୍ରୟାଗରାଜ ଜିଲ୍ଲାର ହୋଲାଗଡ ଥାନା ଅଞ୍ଚଳରେ ସେନା ହେଲିକପ୍ଟର ଚିତାର ଜରୁରୀକାଳୀନ ଅବତରଣ କରାଯାଇଛି । ବୈଷୟିକ ତ୍ରୁଟି ଯୋଗୁ ହେଲିକପ୍ଟର ଲ୍ୟାଣ୍ଡିଂ କରାଯାଇଥିବା ଜଣାପଡିଛି ।
ହୋଲାଗଡ ଥାନା ପୋଲିସ ପକ୍ଷରୁ କୁହାଯାଇଛି ଯେ, ଟେକ୍ନିକାଲ ସମସ୍ୟା ଯୋଗୁ ସେନାର ଚିତା ହେଲିକପ୍ଟରକୁ ହୋଲଗଡରେ ଜରୁରୀକାଳୀନ ଲ୍ୟାଣ୍ଡିଂ କରାଯାଇଛି । ହେଲିକପ୍ଟର ଅବତରଣ କରୁଥିବା ଦେଖି ବହୁସଂଖ୍ୟାରେ ଲୋକେ ଏଠାରେ ଭିଡ ଜମାଇଥିଲେ । ପୋଲିସ ଓ ସେନା ଅଧିକାରୀ ଘଟଣାସ୍ଥଳରେ ପହଞ୍ଚି ଭିଡକୁ ନିୟନ୍ତ୍ରଣ କରିଥିଲେ । ସେନାର ଇଞ୍ଜିନିୟରିଂ ୟୁନିଟ ତୁରନ୍ତ ସେଠାରେ ପହଞ୍ଚି ଟେକ୍ନିକାଲ ସମସ୍ୟାର ଯାଞ୍ଚ କରିଥିଲେ ।
