୨୫୯.୨୫ ନିୟୁତ ଟନ୍ ର ରେକର୍ଡ ପଣ୍ୟ ବୋଝେଇ ହାସଲ କରିଛି ପୂର୍ବତଟ ରେଳପଥ

ଭୁବନେଶ୍ୱର – ପୂର୍ବତଟ ରେଳପଥ ୨୦୨୪-୨୫ ଆର୍ôଥକ ବର୍ଷ (୧ ଏପ୍ରିଲ ୨୦୨୪ ରୁ ୩୧ ମାର୍ଚ୍ଚ ୨୦୨୫ ପର୍ଯ୍ୟନ୍ତ) ରେ ରେକର୍ଡ ୨୫୯.୨୫୪ ନିୟୁତ ଟନ୍ ମୂଳ ପଣ୍ୟ ବୋଝେଇ ହାସଲ କରି ପଣ୍ୟ ପରିବହନରେ ଏକ ନୂତନ ମାନଦଣ୍ଡ ସ୍ଥାପନ କରିଛି । ଏହି ଉଲ୍ଲେଖନୀୟ ସଫଳତା ଏକ ଗୁରୁତ୍ୱପୂର୍ଣ୍ଣ ମାଇଲଖୁଂଟ ଭାବରେ ଚିହ୍ନିତ ହୋଇଛି କାରଣ ପୂର୍ବତଟ ରେଳପଥ ୨୫୯ ନିୟୁତ ଟନ୍ ପଣ୍ୟ ପରିବହନ ସୀମା ଅତିକ୍ରମ କରିବାରେ ଦେଶର ପ୍ରଥମ ରେଳ ଜୋନ୍ ହୋଇଛି, ଯାହା ମାଲ ପରିବହନରେ ପୂର୍ବ ରେକର୍ଡକୁ ଅତିକ୍ରମ କରିଛି । ଏହି ସଫଳତା ପୂର୍ବ ବର୍ଷ ତୁଳନାରେ ୩.୦୩୪ ନିୟୁତ ଟନ୍ ବୃଦ୍ଧି ପାଇଛି ।

ଏହି ସମୟ ମଧ୍ୟରେ, ପୂର୍ବତଟ ରେଳପଥ ବ୍ୟତୀତ ୨୦୦ ନିୟୁତ ଟନ୍ ପଣ୍ୟ ବୋଝେଇ ସୀମା ଅତିକ୍ରମ କରିଥିବା ଜୋନାଲ ରେଳବାଇ ଗୁଡିକ ହେଲା – ଦକ୍ଷିଣ ପୂର୍ବ କେନ୍ଦ୍ରୀୟ ରେଳପଥ (ଏସଇସିଆର) ୨୫୩.୨୦୮ନିୟୁତ ଟନ୍‌, ଦକ୍ଷିଣ ପୂର୍ବ ରେଳପଥ (ଏସଇଆର) ୨୧୨.୩୬୧ନିୟୁତ ଟନ୍ ଏବଂ ପୂର୍ବ କେନ୍ଦ୍ରୀୟ ରେଳପଥ (ଇସିଆର) ୨୦୨.୬୨ନିୟୁତ ଟନ୍ ସୀମା ଉତୀର୍ଣ୍ଣ କରିଛି।

ପୂର୍ବତଟ ରେଳପଥ ଲଗାତାର ଭାବେ ଷଷ୍ଠ ବର୍ଷ ପାଇଁ ୨୦୦ ନିୟୁତ ଟନ୍ ସୀମା ଅତିକ୍ରମ କରିବାର ଏକ ଐତିହାସିକ ସଫଳତା ବଜାୟ ରଖି ପଣ୍ୟ ପରିବହନ କାର୍ଯ୍ୟରେ ନିରନ୍ତର ଭାବେ ତା’ର ଶକ୍ତି ପ୍ରଦର୍ଶନ ଜାରି ରଖିଛି । ଏହି ସଫଳତା ବର୍ଷସାରା ସମ୍ମୁଖୀନ ହେଉଥିବା ଆହ୍ୱାନ / ଚ୍ୟାଲେଞ୍ଜଗୁଡ଼ିକୁ ଦୃଷ୍ଟିରେ ରଖି ବିଶେଷ ଭାବରେ ଉଲ୍ଲେଖନୀୟ, ଜୋନର ଦକ୍ଷତା, ରଣନୈତିକ ଯୋଜନା ଏବଂ ଏହାର କର୍ମଚାରୀଙ୍କ ଅଟଳ ସମର୍ପଣ ପ୍ରଦର୍ଶନ ଦ୍ୱାରା ସମ୍ଭବ ହେଇ ପାରିଛି ।

ସଦ୍ୟ ସମାପ୍ତ ଆର୍ôଥକ ବର୍ଷ ମଧ୍ୟରେ ପୂର୍ବତଟ ରେଳପଥ ବିଭିନ୍ନ ପ୍ରକାରର ଅତ୍ୟାବଶ୍ୟକୀୟ ସାମଗ୍ରୀ ପରିବହନର ପରିଚାଳନା କରିଛି, ଯେଉଁଥିରେ ୧୫୩.୨୭୧ ନିୟୁତ ଟନ୍ କୋଇଲା, ଇସ୍ପାତ କାରଖାନା ପାଇଁ ୯.୯୫୨ ନିୟୁତ ଟନ୍ କଞ୍ଚାମାଲ, ୨୧.୩୮୧ ନିୟୁତ ଟନ୍ ଇସ୍ପାତ ଏବଂ ସ୍ଲାଗ୍‌, ୩୨.୪୭୬ ନିୟୁତ ଟନ୍ ଲୁହାପଥର, ୧.୦୬୫ ନିୟୁତ ଟନ୍ ସିମେଣ୍ଟ, ୨.୯୮୯ ନିୟୁତ ଟନ୍ ଖାଦ୍ୟଶସ୍ୟ, ୬.୭୭୨ ନିୟୁତ ଟନ୍ ସାର, ୨.୯୯୧ ନିୟୁତ ଟନ୍ ଖଣିଜ ତୈଳ ଏବଂ କଣ୍ଟେନର ସହ ଅନ୍ୟାନ ପଣ୍ୟ ପରିବହନ ୨୮.୩୫୭ ନିୟୁତ ଟନ୍ ଅନ୍ତର୍ଭୁକ୍ତ ।

ଏହି ଅସାଧାରଣ ପ୍ରଦର୍ଶନ ତାଳଚେରସ୍ଥିତ ମହାନଦୀ କୋଲଫିଲ୍ଡସ୍ ଲିମିଟେଡ୍ (ଗଉଖ)ର କୋଇଲା କ୍ଷେତ୍ର, ପୂର୍ବତଟ ରେଳପଥ ପରିସୀମା ମଧ୍ୟରେ ଥିବା ପାଞ୍ଚଟି ପ୍ରମୁଖ ବନ୍ଦର (ପାରାଦୀପ, ଧାମରା, ଭାଇଜାଗ୍‌, ଗଙ୍ଗାଭରମ୍ ଏବଂ ଗୋପାଳପୁର) ଏବଂ ଇସ୍ପାତ, ଆଲୁମିନିୟମ୍ ଏବଂ ଲୁହାପଥର କ୍ଷେତ୍ରର ପ୍ରମୁଖ ଶିଳ୍ପଗୁଡ଼ିକର ଦୃଢ଼ ଅବଦାନ ଦ୍ୱାରା ସମ୍ଭବ ହୋଇଥିଲା ।

ପୂର୍ବତଟ ରେଳପଥର ତିନୋଟି ରେଳ ମଣ୍ଡଳ ଯଥା, ଖୋର୍ଦ୍ଧା ରୋଡ୍‌, ୱାଲଟିୟର ଏବଂ ସମ୍ବଲପୁରର ଉତ୍ସର୍ଗୀକୃତ ପ୍ରୟାସ ଗତ ବର୍ଷର ସଂଖ୍ୟାକୁ ଅତିକ୍ରମ କରିବାରେ ଏବଂ ଏହି ଉଲ୍ଲେଖନୀୟ ଫଳାଫଳ ହାସଲ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା । ଏହି ପ୍ରୟାସକୁ ସ୍ୱୀକୃତି ଦେଇ, ରେଳପଥର ମହାପ୍ରବନ୍ଧକ ଶ୍ରୀ ପରମେଶ୍ୱର ଫୁଙ୍କୱାଲ ସମସ୍ତ ରେଳ କର୍ମଚାରୀ ଏବଂ ଅଧିକାରୀମାନଙ୍କୁ ଅଭିନନ୍ଦନ ଜଣାଇଛନ୍ତି ।