କାମରୂପ : ଅମିନଗାଓଁରୁ 18 କୋଟିର ଡ୍ରଗ୍ସ ଜବତ, 6 ଗିରଫ । କାମରୂପ ଜିଲ୍ଲା ମୁଖ୍ୟାଳୟ ଅମିନଗାଓଁରେ ଏସଟିଏଫ ପକ୍ଷରୁ ଚଢାଉ କରାଯାଇ ବିପୁଳ ପରିମାଣର ଡ୍ରଗ୍ସ ଜବତ କରାଯାଇଛି । ପଡୋଶୀ ରାଜ୍ୟରୁ ଆସୁଥିବା ଏକ ଯାନର ତଲାସୀ ନିଆଯିବା ସମୟରେ 2.2 କିଲୋଗ୍ରାମ ହେରୋଇନ ଜବତ କରାଯାଇଛି । ପୋଲିସ ସୂଚନା ମୁତାବକ ଗତକାଲି ରାତିରେ ଡ୍ରଗ୍ସ କାରବାରରେ ସମ୍ପୃକ୍ତ ଥିବା ମଣିପୁରର 3ଜଣ ଲୋକଙ୍କ ସହିତ 6ଜଣଙ୍କୁ ଗିରଫ କରାଯାଇଛି । ଜବତ ହୋଇଥିବା ହେରୋଇନର ବଜାର ମୂଲ୍ୟ 18କୋଟି ଟଙ୍କା ହେବ ବୋଲି ପୋଲିସ ପକ୍ଷରୁ କୁହାଯାଇଛି ।
ଏଠାରେ ସୂଚନା ଯୋଗ୍ୟ, ଆସାମ ପୋଲିସର ଏସଟିଏଫ ଓ କାମରୂପ ପୋଲିସ ପକ୍ଷରୁ ମିଳିତ ଚଢାଉ ସମୟରେ ଡ୍ରଗ୍ସ ଜବତ କରାଯାଇଛି ।
