କୋଲକାତା : ରାଷ୍ଟ୍ରୀୟ ସ୍ୱୟଂସେବକ ସଂଘର ସରସଂଘସଞ୍ଚାଳକ ଡକ୍ଟର ମୋହନ ଭାଗବତ ଆଜି ପଶ୍ଚିମବଙ୍ଗ ଗସ୍ତ କରୁଛନ୍ତି । କୋଲକାତାରୁ ସେ ସେଟ୍ ହାୱଡାର ପ୍ରସିଦ୍ଧ ବେଲୁର ମଠ ଯିବେ । ସେଠାରେ ସନ୍ଧ୍ୟା ସାଢେ 5ଟାରେ ପତ୍ରିକା ସ୍ୱସ୍ତିକାର ପ୍ରତିଷ୍ଠା ଦିବସ ସମାରୋହରେ ସାମିଲ ହେବେ ।
ସଂଘର ପଦାଧିକାରୀଙ୍କ ସୂଚନା ମୁତାବକ, ଡକ୍ଟର ଭାଗବତଙ୍କର କାର୍ଯ୍ୟକ୍ରମ ବେଲୁର ମଠରେ ନିର୍ଦ୍ଧାରିତ କରାଯାଇଛି । ତେବେ କେଶବ ଭବନରେ ସେ କିଛି ବିଶିଷ୍ଟ ବ୍ୟକ୍ତିଙ୍କୁ ମଧ୍ୟ ଭେଟିପାରନ୍ତି । ଦ୍ୱିପ୍ରହରରେ ସେ କେଶବ ଭବନରେ ପହଞ୍ଚିବାର ସମ୍ଭାବନା ରହିଛି । ଏହାପରେ ସେ ବେଲୁର ମଠ ଯାଇ ପତ୍ରିକା ସ୍ୱସ୍ତିକାର 75ବର୍ଷ ପୂର୍ତ୍ତି କାର୍ଯ୍ୟକ୍ରମରେ ଯୋଗଦେବେ । ବେଲୁର ମଠରେ ସନ୍ଧ୍ୟା ସାଢେ 5ଟାରୁ ସାଢେ 7ଟା ଯାଏ କାର୍ଯ୍ୟକ୍ରମ ଅନୁଷ୍ଠିତ ହେବ । ଏହାକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
