ନୂଆଦିଲ୍ଲୀ : ଅହିଂସାର ପୂଜାରୀ ବାପୁଜୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସୋସିଆଲ ମିଡିଆ ଏକ୍ସରେ ସେ ମହାତ୍ମା ଗାନ୍ଧୀଙ୍କ ସ୍ମୃତିଚାରଣ କରିବା ସହ କହିଛନ୍ତି ଯେ, ମହାତ୍ମା ଗାନ୍ଧୀ ଶାନ୍ତି, ନ୍ୟାୟ ଏବଂ ଅହିଂସାର ଆଲୋକ ଥିଲେ । ତାଙ୍କର ଜୀବନ ଏବଂ ଶିକ୍ଷା ସମଗ୍ର ମାନବିକତା ପାଇଁ ଏକ ଅବିରତ ପ୍ରେରଣା ଉତ୍ସ । ପୂଜ୍ୟ ବାପୁଜୀଙ୍କୁ ତାଙ୍କ ଜନ୍ମବାର୍ଷିକୀରେ ବିନମ୍ର ଶ୍ରଦ୍ଧାଞ୍ଜଳି ଜ୍ଞାପନ କରୁଛି । ଆସନ୍ତୁ ବାପୁଜୀଙ୍କ ଦୟା, ଏକତା ଏବଂ ନିସ୍ୱାର୍ଥପରତାର ବାର୍ତ୍ତା ଗ୍ରହଣ କରି ବିକଶିତ ଭାରତ ଗଠନ କରିବା ।
