ଭୁବନେଶ୍ୱର, ୧୨ ଜାନୁଆରୀ – ଆଜି ରାତି ଓ କାଲି ସକାଳେ ୬ ଜିଲ୍ଲାରେ ଘନ କୁହୁଡ଼ି ସମ୍ଭାବନା ରହିଥିବା ନେଇ ଭୁବନେଶ୍ୱର ସ୍ଥିତ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି । ଏହି ଛଅଟି ଜିଲ୍ଲା ମଧ୍ୟରେ ଅନୁଗୁଳ, ଢେଙ୍କାନାଳ, କଟକ, କେନ୍ଦୁଝର, ଯାଜପୁର, ଖୋର୍ଦ୍ଧା ଜିଲ୍ଲା ରହିଛି ।
ଘନ କୁହୁଡି ହେବାର ସମ୍ଭାବନା ଥିବା କାରଣରୁ ଏହି ଛଅଟି ଜିଲ୍ଲାର ଜିଲ୍ଲାପାଳମାନଙ୍କୁ ଏସଆରସି କାର୍ଯ୍ୟାଳୟରୁ ଚିଠି ଲେଖା ଯାଇଛି । କୁହୁଡ଼ିଜନିତ ଦୁର୍ଘଟଣା ଏଡ଼ାଇବାକୁ ଆବଶ୍ୟକୀୟ ପଦକ୍ଷେପ ନେବାକୁ ଏଥିରେ ନିର୍ଦେଶ ଦିଆଯାଇଛି ।
