ଏପ୍ରିଲ-୧୫ ରେ ବ୍ଲକ ଓ ସହର ଏବଂ ଏପ୍ରିଲ-୨୧ରେ ଜିଲ୍ଲା ସଦର ମହକୁମାରେ ନାରୀ ନ୍ୟାୟ ପାଇଁ କଂଗ୍ରେସର ଆନ୍ଦୋଳନ - ଭକ୍ତ ଦାସ
ଭୁବନେଶ୍ବର ତା. ୩.୪ – ଆଳି ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ପ୍ରଦେଶ କଂଗ୍ରେସ ସଭାପତି ଶ୍ରୀ ଭକ୍ତ ଚରଣ ଦାସ କହିଲେ ଯେ ଓଡ଼ିଶାରେ ଅତ୍ୟାଚାରିତା, ଧର୍ଷିତା, ଲୁଣ୍ଠିତା, ନିଖୋଳ ଓ ହତ୍ୟା ହୋଇଥିବା ମହିଳା ଓ ତାଙ୍କ ପରିବାରକୁ ନ୍ୟାୟ ଦେବାରେ ବିଜେପି ସରକାର ସମ୍ପୂର୍ଣ ଅକ୍ଷମ ହୋଇଛନ୍ତି । ବିଗତ ଦିନରେ ବିଜେଡ଼ିର ସଭାସମିତି ଠାରୁ ଆରମ୍ଭ କରି ବିଭିନ୍ନ କାର୍ଯ୍ୟକ୍ରମରେ ମହିଳାଙ୍କର ଉପସ୍ଥିତି ଭରପୁର ଥିଲା ବେଳେ ଏବେ ମଧ୍ୟ ସେହିଭଳି ପରିସ୍ଥିତି ଦେଖାଦେଇଛି । ମାତ୍ର ପ୍ରତି ବଦଳରେ ଉଭୟ ବିଜେଡ଼ି ଓ ବିଜେପି ସରକାର ଦ୍ବାରା ଓଡ଼ିଶାର ମହିଳା ପ୍ରତାରିତା । ସୁଭଦ୍ରା ଯୋଜନାରେ ଜଣେ ମହିଳାକୁ ଦିନକୁ ୨୭ ଟଙ୍କା ଦିଆଯାଉଛି । ସେଥିରେ ଗୋଟିଏ ଓଳି ଭୋଳନ ହେବା ସମ୍ଭବ ନୁହେଁ । ପରିବାର ପୋଷିବା କଥା ଛାଡ଼ ।
ବିଜେପି ଦଳ ଓଡ଼ିଶାର ନାରୀଙ୍କୁ ଅସମ୍ମାନ କରୁଛି। ଓଡ଼ିଆ ଅସ୍ମିତା, ଓଡ଼ିଆ ମାଟି, ରାଷ୍ଟ୍ରଭକ୍ତି ଓ ଭାରତମାତା କଥା ଏହି ଦଳ ବାରମ୍ବାର କହୁଛି। ଭାରତମାତା କିଏ ବୋଲି ଶ୍ରୀ ଦାସ ପ୍ରଶ୍ନ କରିଛନ୍ତି । ପଂଚମ ଓ ସପ୍ତମ ଶ୍ରେଣୀର ନାବାଳିକା ଛାତ୍ରୀ ଯିଏକି ଗର୍ଭବତୀ ହୋଇଛି, କନ୍ୟାଶ୍ରମରେ ଯେଉଁ ଛାତ୍ରୀ ଗର୍ଭବତୀ ହୋଇଛି, ଯିଏ ଧର୍ଷିତା ଓ ହତ୍ୟା ହୋଇଛି, ଯେଉଁ ୬୦ ହଜାର ମହିଳା ନିଖୋଜ ହୋଇଛନ୍ତି ସେହି ସମସ୍ତଙ୍କର ସମଷ୍ଟି ହେଉଛି ଭାରତମାତା । ଭାରତ ମାତାକୁ ବିଜେପି ଲୋକ ଦେଖାଣିଆ ବନ୍ଦନା କରୁଛି । କାରଣ କଂଗ୍ରେସ ଦଳର ସ୍ବରକୁ ଓଡ଼ିଶାର ବିଧାନସଭା ଭିତରେ ବିଜେପି ବଳପୂର୍ବକ ଚାପିଦେବାକୁ ଅପଚେଷ୍ଟା କରୁଛି।
ଓଡ଼ିଶା ଜଗନ୍ନାଥଙ୍କର ମାଟି। ଏ ମାଟିରେ ପଂଚଶଖା, ମଧୁବାବୁ, ଫକୀରମୋହନ, ଗଙ୍ଗାଧର ମେହେର ହରେକୃଷ୍ଣ ମହତାବଙ୍କ ଭଳି ଜନନାୟକ ଜନ୍ମ ନେଇଥିଲେ । ଓଡ଼ିଶାର ମାଟି ଗରିମାମୟ । ମାତ୍ର ଓଡ଼ିଶାର ବିଜେପି ସରକାର ମହିଳାମାନଙ୍କ ପ୍ରତି ହେଉଥୁବା ଅତ୍ୟାଚାର ପ୍ରତି ଉଦାସୀନ ରହି ଓଡ଼ିଶାକୁ ବଦନାମ କରୁଛି । ଛୋଟ ଝିଅ ମାନଙ୍କର ଯନ୍ତ୍ର ନେବା ବଦଳରେ ସେମାନଙ୍କୁ ଅନ୍ଧାର ଭିତରକୁ ଠେଲି ଦିଆଯାଉଛି। “ନାରୀ ନ୍ୟାୟ” ପାଇଁ କଂଗ୍ରେସ ପକ୍ଷରୁ ମୁଖ୍ୟମନ୍ତ୍ରୀଙ୍କ ବାସଭବନ, ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରାଗଲା ଏବଂ ଶେଷରେ ବିଧାନସଭା ମଧ୍ଯ ଘେରାଉ କରାଗଲା । ଏପରିକି ଓଡ଼ିଶା ଦିବସ ପାଳନ ଅବସରରେ ୬୦ ହଜାର ନିଖୋଳ ମହିଳାଙ୍କ ଉଦ୍ଧାରପାଇଁ ରେଳଷ୍ଟେସନ ଏବଂ ବସଷ୍ଟାଣ୍ଡ ମହମବତୀ ଶୋଭାଯାତ୍ରା କରାଯାଇ ଅସହାୟ ମହିଳାଙ୍କ ପ୍ରତି କଂଗ୍ରେସ ନିଜର ଆଭିମୁଖ୍ୟ ବ୍ୟକ୍ତ କରିଥିଲା ।
ମହିଳା ନିର୍ଯ୍ୟାତନା ପ୍ରସଙ୍ଗରେ ବିଜେଡ଼ି ଓ ବିଜେପିର ଆଭିମୁଖ୍ୟ ଏକାଭଳି । ଓଡ଼ିଶା ବିଧାନସଭାରେ କଂଗ୍ରେସ ବିଧାୟକମାନଙ୍କର ନାରୀ ନ୍ୟାୟ ଦାବିକୁ ବିଜେପି ସରକାର ଉପେକ୍ଷା କଲା । ଗୃହ କମିଟି ଗଠନ କରିପାରିଲା ନାହିଁ। ୫ ଜଣିଆ ମନ୍ତ୍ରୀସ୍ତରୀୟ କମିଟି କିମ୍ବା ଆଇଏଏସ ବା ଆଇପିଏସ ଅଫିସରଙ୍କୁ ନେଇ ଟାକ୍ସଫୋର୍ସ କମିଟି ଗଠନ ହୋଇପାରିଥାନ୍ତା, ତାହା ମଧ୍ୟ ହୋଇପାରିଲା ନାହିଁ।
ସରକାର ଯଦି ମହିଳା ଅତ୍ୟାଚାର ବନ୍ଦ ପାଇଁ ସ୍ଵତନ୍ତ୍ର ଖସଡ଼ା, ନିୟମ କାନୁନ ବା ନୀତିର ବ୍ୟବସ୍ଥା ନକରନ୍ତି ତେବେ ମହିଳାମାନେ ପୁରପଲ୍ଲୀରୁ ସହର ପର୍ଯ୍ୟନ୍ତ ତାଙ୍କ ଉପରେ ହେଉଥିବା ଅତ୍ୟାଚାର ବିରୁଦ୍ଧରେ ଜାଗରଣ ପାଇଁ ଶ୍ରୀ ଦାସ ଆହ୍ବାନ ଦେଇଛନ୍ତି । ବିଜେପି ଦଳର ନେତା ସେମାନଙ୍କର ସ୍ୱାର୍ଥ ସାଧନ ପାଇଁ ଗାଁ ଗଣ୍ଡାକୁ ଗଲେ ମହିଳାମାନେ ସେମାନଙ୍କୁ ଝାଜୁ ପ୍ରଦର୍ଶନ କରିବାପାଇଁ ଶ୍ରୀ ଦାସ କହିଛନ୍ତି । ବିଜେପି ସରକାର ବେଳହୁଁ ସାବଧାନ ହୋଇ ନାରୀ ପ୍ରତି ତାଙ୍କର ବିଚାରର ପରିବର୍ତନ କରନ୍ତୁ।
ଓଡ଼ିଶାର ନାରୀ ନ୍ୟାୟ ନପାଇବା ପର୍ଯ୍ୟନ୍ତ କଂଗ୍ରେସର ଆନ୍ଦୋଳନ ଚାଲୁ ରହିବ । ୬୦ ହଜାର ନିଖୋଳ ମହିଳାଙ୍କ ଉଦ୍ଦେଶ୍ୟରେ ଏବଂ ଦୁଷ୍କର୍ମ ପୀଡ଼ିତାଙ୍କୁ ନ୍ୟାୟ ଦାବିରେ ଗାଁର ମା ଭଉଣୀମାନେ ନିଜ ଗାଁରେ, ସାହିରେ ବା ଘରେ ମହମବତୀ ଜାଳି ନିଜକୁ ଏହି ମହା ଆନ୍ଦୋଳନରେ ସାମିଲ କରିବାକୁ ଶ୍ରୀ ଦାସ ନିବେଦନ କରିଛନ୍ତି । ପୁରୁଷମାନେ ମହିଳାଙ୍କୁ ଇଜ୍ଜତ ଦେବାକୁ ଆଗେଇ ଆସିବାକୁ ଶ୍ରୀ ଦାସ ଆହ୍ବାନ କରିଛନ୍ତି । ନାରୀମାନଙ୍କ ପ୍ରତି ବିଜେପି ସରକାର ଯେଉଁ ଅବିଚାର କରୁଛି ତାର ପରିଣାମ ନିଶ୍ଚିତ ଭୋଗିବେ ବୋଲି ଶ୍ରୀ ଦାସ ଚେତାବନୀ ଦେଇଛନ୍ତି ।
ଆସନ୍ତା ଏପ୍ରିଲ ୧୫ ତାରିଖ ମଙ୍ଗଳବାର ଦିନ ପ୍ରତି ବ୍ଲକ ଓ ସହରରେ ନାରୀ ନ୍ୟାୟ ଏବଂ ୬୦ ହଜାର ନିଖୋଳ ମହିଳାଙ୍କୁ ଖୋଜିବା ପାଇଁ ମଶାଲ ଗ୍ୟାଲି ଏବଂ ଏପ୍ରିଲ ୨୧ ତାରିଖ ସୋମବାର ଦିନ ଜିଲ୍ଲା ସଦର ମହକୁମାରେ ଏହି ପ୍ରସଙ୍ଗରେ ମଶାଲ ଭ୍ୟାଲି କରାଯିବା ସହ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରାଯିବା ପାଇଁ ପିସିସି ସଭାପତି ଶ୍ରୀ ଭକ୍ତ ଚରଣ ଦାସ ଘୋଷଣା କରିଛନ୍ତି । ଏହି କାର୍ଯ୍ୟକ୍ରମରେ ଜିଲ୍ଲାର ସ୍ଥାନୀୟ ସମସ୍ୟା, କ୍ଷେତପାଇଁ ପାଣି, ବେକାରୀ ସମସ୍ୟା, ଖଣି ଦୁର୍ନୀତି, ଅନ୍ୟାନ୍ୟ ସରକାରୀ ଦୁର୍ନୀତି, ଚାଷ ଓ ଚାଷୀ ସମସ୍ୟା ପ୍ରସଙ୍ଗ ଗୁଡ଼ିକ ମଧ୍ୟ ଅନ୍ତଭୁକ୍ତ ହେବ ।
ଏହା ପରେ କଂଗ୍ରେସର ୩୫ଟି ସାଂଗଠନିକ ଜିଲ୍ଲାରେ ୧୦ କି.ମି. ପଦଯାତ୍ରା ଏବଂ ସମାବେଶ ଆୟୋଜନ ହେବ ଯାହାକୁ ସଫଳ କରିବା ପାଇଁ ସମସ୍ତ ବରିଷ୍ଠ କଂଗ୍ରେସ ନେତାମାନେ ଦାୟୀତ୍ବ ନ୍ୟସ୍ତ ହେବେ । ଜିଲ୍ଲା କମିଟି ଗଠନ ପାଇଁ ସଂପୃକ୍ତ ଜିଲ୍ଲାର ଜିଲ୍ଲା ଓ ବ୍ଲକର ସମସ୍ତ ନେତୃବର୍ଗଙ୍କ ସହ ଖୋଲା ଆଲୋଚନା ହେବ ଏବଂ ସମସ୍ତଙ୍କ ମତାମତକୁ ନେଇ ଜିଲ୍ଲା କମିଟି ଗଠନ ହେବ।
ଜାତୀୟ ଶିକ୍ଷାନୀତି-୨୦୨୦
ଭାରତର ଜାତୀୟ ଶିକ୍ଷାନୀତି-୨୦୨୦ ଆଇଏଏସ ଏବଂ ବିଜେପିର ବିଚାରଧାରାରେ ପ୍ରସ୍ତୁତ। ଏଥୁପାଇଁ ଶିକ୍ଷାର ମାନ ୫୦ ବର୍ଷ ତଳକୁ ଖସିଯିବ ଓ ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିବ। ଏହାକୁ ପ୍ରସ୍ତୁତ କରିବାବେଳେ ବିଶିଷ୍ଟ ଶିକ୍ଷାବିତ ମାନଙ୍କ ସହିତ ଆଲୋଚନା କରାଯାଇ ନାହିଁ । ଶିକ୍ଷା ବ୍ୟବସ୍ଥାକୁ ବ୍ୟବସାୟୀଙ୍କ ହାତରେ ଟେକିଦେଇ ଗରିବ, ସାଧାରଣବର୍ଗ ଓ ଖଟିଖିଆ ମାନଙ୍କ ପିଲାମାନଙ୍କୁ ଶିକ୍ଷା ଅଧିକାରରୁ ବଂଚିତ କରିବାପାଇଁ ଏହା ଏକ ଷଡ଼ଯନ୍ତ୍ର । ଏହି ବ୍ୟବସ୍ଥାରେ ମାତୃଭାଷାରେ ଶିକ୍ଷା ଆହରଣ ସୁବିଧାକୁ ସଂକୁଚିତ କରାଯାଇ ଏକ ନିର୍ଦ୍ଦିଷ୍ଟ ଭାଷାକୁ ଛାତ୍ରଛାତ୍ରୀଙ୍କ ଉପରେ ଲଦି ଦିଆଯାଉଛି। ସୁତରାଂ ଜାତୀୟ ଶିକ୍ଷାନୀତି-୨୦୨୦ ଭାରତବର୍ଷର ଶିକ୍ଷାବ୍ୟବସ୍ଥାର ମାନକୁ ନିମ୍ନଗାମୀ କରିବ। କେନ୍ଦ୍ରୀୟ ଶିକ୍ଷାମନ୍ତ୍ରୀଙ୍କ ମୋଦି ମାର୍କା ଶିକ୍ଷା ବ୍ୟବସ୍ଥା ଛାତ୍ରସ୍ୱାର୍ଥ ବିରୋଧ। ମୋଦିଙ୍କ ଭିଜନ କଥା ଶିକ୍ଷାମନ୍ତ୍ରୀ କହୁଛନ୍ତି। ମୋଦିଙ୍କର ଶିକ୍ଷାଗତ ଯୋଗ୍ୟତା କ’ଣ ବା ତାଙ୍କର କୌଣସି କ୍ଷେତ୍ରରେ ପାରଦର୍ଶିତା ଥୁବାର ପ୍ରମାଣ ଶିକ୍ଷାମନ୍ତ୍ରୀ ଦିଅନ୍ତୁ ବୋଲି ଶ୍ରୀ ଦାସ କହିଛନ୍ତି ।
1/2
ସୋନିଆ ଗାନ୍ଧୀଙ୍କ ପ୍ରତି ଅଶାଳୀନ ମନ୍ତବ୍ୟର ପ୍ରତିବାଦ:
ମହୀୟସୀ ମହିଳା ଶ୍ରୀମତୀ ସୋନିଆ ଗାନ୍ଧୀଙ୍କ ପ୍ରତି ବିଜେପିର ନେତୃମଣ୍ଡଳୀ ଯେଉଁ ଅଶାଳୀନ ଭାଷା ପ୍ରୟୋଗ କରୁଛନ୍ତି ତାହା ଦୁର୍ଭାଗ୍ୟଜନକ ।
ବିଜେପି ନେତା ଭାଷା ଶୁଦ୍ଧି କରନ୍ତୁ ନହେଲେ ଯେଉଁ ରାଷ୍ଟ୍ରୀୟନେତା ମାନେ ଅଶାଳୀନ ଭାଷା ପ୍ରୟୋଗ କରିଥିବେ ସେମାନଙ୍କୁ ଓଡ଼ିଶାରେ କଂଗ୍ରେସ ପକ୍ଷରୁ ଦୃଢ଼ ବିରୋଧ କରାଯିବ । ସୋନିଆ ଗାନ୍ଧୀଙ୍କ ଆଦର୍ଶ ଅତୁଳନୀୟ । ସେ କ୍ଷମତା ପାଇଁ ଲାଳାୟିତ ନୁହନ୍ତି । ପ୍ରଧାନମନ୍ତ୍ରୀ ପଦକୁ ମଧ୍ଯ ସେ ଗ୍ରହଣ କଲେ ନାହିଁ । ଶ୍ରୀ ଦାସ କହିଲେ ଯେ ସେ ବିରୋଧ ଦଳରେ ଥିବା ବେଳେ ସୋନିଆଳୀ କଳାହାଣ୍ଡି ଗସ୍ତରେ ଆସିଥିଲେ । କ୍ଷୁଧାରେ ପ୍ରପୀଡ଼ିତ କଳାହାଣ୍ଡି ଜନତାଙ୍କ ଦୁଃଖ ତାଙ୍କୁ ପ୍ରଭାବିତ କରିଥିଲା । ତାପରେ ଆରମ୍ଭ ହୋଇଥିଲା ତୁରନ୍ତ ଖାଦ୍ୟ ବ୍ୟବସ୍ଥା, ଚାଉଳ ବ୍ୟବସ୍ଥା, ଭତା ବ୍ୟବସ୍ଥା ଓ ଅନେକ ଜନ ହିତୈଷୀ ଯୋଜନା । ଉପା ସରକାରର ମଧ୍ୟ ଉପଦେଷ୍ଟା ମଣ୍ଡଳୀର ଅଧ୍ଯକ୍ଷା ରହି ସୋନିଆ ଗାନ୍ଧୀ ଭାରତରେ ଖାଦ୍ୟ ଅଧୁକାର ଆଇନ, ଶିକ୍ଷା ଅଧୁକାର ଆଇନ, ସୂଚନା ଅଧିକାର ଆଇନ, ଜାତୀୟ ଗ୍ରାମ୍ୟ ସ୍ୱାସ୍ଥ୍ୟ ମିଶନ, ମହାତ୍ମା ଗାନ୍ଧୀ ନରେଗା ପ୍ରଭୃତି ଯୁଗାନ୍ତକାରୀ ଯୋଜନା ପ୍ରଣୟନ କରାଇଥିଲେ । ତେଣୁ ଏଭଳି ଜଣେ ଆଦର୍ଶ ମହିଳାଙ୍କ ପ୍ରତି ଅଶାଳୀନ ଭାଷା ପ୍ରୟୋଗକୁ ବରଦାସ୍ତ କରାଯିବ ନାହିଁ ବୋଲି ଶ୍ରୀ ଦାସ କହିଥିଲେ ।
ଏହି ସାମ୍ବାଦିକ ସମ୍ମିଳନୀରେ ବିରୋଧ ଦଳ ନେତା ରାମଚନ୍ଦ୍ର କାଡାମ କହିଥିଲେ ଯେ ବିଜେପି ସରକାର ଗୃହରେ ବିଧାୟକ ମାନଙ୍କର ସାମ୍ବିଧାନିକ ଅଧୁକାର ଛଡ଼ାଇ ନେଉଛନ୍ତି । କଂଗ୍ରେସର ବିଧାୟକ ମାନଙ୍କର କଣ୍ଠରୋଧ କରାଯାଉଛି । ତିନିଦିନ ପୂର୍ବରୁ ବିଧାନସଭା ବନ୍ଦ କରିଦିଆଗଲା।
କଂଗ୍ରେସର ୧୪ ଜଣ ବିଧାୟକ ଗୃହରେ ଅପମାନିତ ହେବା ସହ ଆକ୍ରମଣର ଶିକାର ହେଲେ ଏବଂ ନିଲମ୍ବିତ ହେଲେ । ମହିଳାଙ୍କୁ ନ୍ୟାୟ ଦେବାପାଇଁ କଂଗ୍ରେସର ଗୃହ କମିଟି ଦାବିକୁ ବିଜେପି ସରକାର ଗ୍ରହଣ କଲେ ନାହିଁ । ପ୍ରତିବାଦ କରିବାରୁ କଂଗ୍ରେସ ବିଧାୟକମାନଙ୍କୁ ପୋଲିସ ଲଗାଇ ବିଧାନସଭା ଭିତରୁ ଜବରଦସ୍ତ ରାତିଅଧରେ ଅଣାଯାଇ ରାଜରାସ୍ତାରେ ଫିଙ୍ଗିଦିଆଗଲା। କଂଗ୍ରେସ ସଡ଼କ ଉପରେ ଆନ୍ଦୋଳନ କଲା । ବିଜେପି ଭୟଭୀତ ହୋଇଯାଇଛି। କଂଗ୍ରେସର ଶାଣିତ ସ୍ବର ବିଜେପିକୁ ଥରହର କରିଛି। ବିଧାନସଭାରେ ବିଜେପି ବିଧାୟକ ଓ ମନ୍ତ୍ରୀମାନଙ୍କର ଆଚରଣ ଓ ଉଚ୍ଚାରଣ ଗୃହର ଗରିମା ଓ ପରମ୍ପରାକୁ ନଷ୍ଟ କରିଛି। କଂଗ୍ରେସ ମହିଳାମାନଙ୍କୁ ସୁରକ୍ଷା ଦେବାପାଇଁ ଏବଂ ତାଙ୍କ ଉପରେ ହେଉଥିବା ଅତ୍ୟାଚାର ରୋକିବାପାଇଁ ଗୃହ କମିଟି ଗଠନ ନିମନ୍ତେ ଦାବି କରିବା କ’ଣ ଅପରାଧ ? ସରକାର ନିଜର ଜିପ୍ରୁ ଓହରି ଆସନ୍ତୁ । ଏ ରାଜ୍ୟରେ କେତେ ନାବାଳିକା ଗର୍ଭବତୀ ହୋଇଛନ୍ତି ତାର ତଥ୍ୟ ଜନସାଧାରଣଙ୍କୁ ଦିଅନ୍ତୁ । ଆଶ୍ରମ ସ୍କୁଲ, କନ୍ୟାଶ୍ରମ ଓ ବିଭିନ୍ନ ଶିକ୍ଷାନୁଷ୍ଠାନରେ ଛାତ୍ରୀଙ୍କ ଅବସ୍ଥା ଶୋଚନୀୟ, ନାବାଳିକା ଛାତ୍ରୀ ଗର୍ଭବତୀ ହୋଇଯାଉଛନ୍ତି । ମାତ୍ର କଂଗ୍ରେସର ଦାବିକୁ ସାମନା କରି ନପାରି ବିଜେପି ସରକାର ପଳାୟନପନ୍ଥୀ ହେଇଛି।
ବରିଷ୍ଠ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି କହିଲେ ଯେ ବିଜେଡ଼ି-ବିଜେପି ଏକାଠି ହୋଇ ସବୁ ବିଲ ପାରିତ କରିଲେ । ଗଣତନ୍ତ୍ରକୁ ହତ୍ୟା କରାଯାଇ କଂଗ୍ରେସକୁ ବେଆଇନ ଭାବେ ଗୃହରୁ ବାହାରେ ରଖାଗଲା। ବିଜେଡ଼ି ବିଲ ପାରିତ ହେବାରେ ବିଜେପିକୁ ସାହାଯ୍ୟ ଦେଲା ।
ଓଡ଼ିଶାର ନିର୍ଯ୍ୟାତିତା ମହିଳାଙ୍କୁ ନେଇ ଦୁଇଟି ଦଳର ଆଭିମୁଖ୍ୟ ସ୍ପଷ୍ଟ ହୋଇଯାଇଛି । ଏପରିକି ଉଚ୍ଚଶିକ୍ଷା ବିଲ ପାରିତ ହେବାପାଇଁ ବିଜେଡ଼ି ବିଜେପିକୁ ବିଧାନସଭାରେ ସାରା ରାତି ସମର୍ଥନ ଦେଲା । ଓଡ଼ିଶାର ମହିଳା ହଷ୍ଟେଲରେ ଗରିବ ଖଟିଖୁଆ ଆଦିବାସୀ, ଦଳିତ ଓ ପଛୁଆବର୍ଗର ପିଲମାନେ ପାଠପଢ଼ନ୍ତି । ସେହି ନାବାଳିକା ପିଲାମାନେ ଗର୍ଭବତୀ ହୋଇପଡ଼ୁଛନ୍ତି । ତା’ର ପ୍ରତିକାର ପାଇଁ କଂଗ୍ରେସ ଦାବି କରିବାରୁ ବିଜେପି ବିଧାୟକ ମାନେ କଂଗ୍ରେସ ବିଧାୟକ ମାନଙ୍କୁ ଶାରୀରିକ ଆକ୍ରମଣ କଲେ । ମହିଳାମାନଙ୍କ ପ୍ରତି ଅବିଚାର କରୁଥିବା ବିଜେପିକୁ ଏ ରାଜ୍ୟର ମହିଳାମାନେ ଉଚିତ ଜବାବ ଦେବେ । ନାରୀ ନ୍ୟାୟ ପାଇଁ ମାର୍ଚ-୨୭ ରେ କଂଗ୍ରେସର ଆନ୍ଦୋଳନ ଅଭୂତପୂର୍ବ ଥିଲା । କଂଗ୍ରେସ ହିଂସାରେ ବିଶ୍ବାସ କରେ ନାହିଁ | ସେଦିନ ଲୋୟର ପିଏମଳିରେ ଯେଉଁ ଅଘଟଣ ଘଟିଲା ସେଥୁରେ ବହୁ କଂଗ୍ରେସ କର୍ମୀ ଲହୁଲୁହାଣ ହୋଇଛନ୍ତି । କଂଗ୍ରେସ କର୍ମୀମାନଙ୍କୁ ଅନ୍ୟାୟରେ ଗିରଫ କଲେ ବରଦାସ୍ତ କରାଯିବ ନାହିଁ ବୋଲି ଶ୍ରୀ ବାହିନୀପତି କହିଛନ୍ତି । କଂଗ୍ରେସ ହୁଇପ ଶ୍ରୀ ରାଜନ ଏକା କହିଛନ୍ତି ଯେ କଂଗ୍ରେସ ବିଧାୟକମାନେ ବିଧାନସଭାରେ ମହିଳାମାନଙ୍କୁ ନ୍ୟାୟ ଦେବାପାଇଁ ଯେଉଁ ଦାବି ରଖୁଲେ ତାହା ଓଡ଼ିଶାର ୨ କୋଟି ୨୦ଲକ୍ଷ ମହିଳାମାନଙ୍କ ପାଇଁ ଭବିଷ୍ଟ । ମହିଳାମାନଙ୍କ ସୁରକ୍ଷା ପ୍ରସଙ୍ଗକୁ ବିଜେପି ସରକାର ଉପେକ୍ଷା କରୁଛି । ଏହି ପ୍ରସଙ୍ଗ ଓ ଆନ୍ଦୋଳନ କଂଗ୍ରେସ ବିଧାୟକ ଦଳ ଜାରି ରଖୁବ। ଏହି ସାମ୍ବାଦିକ ସମ୍ମିଳନୀରେ ବିଧାୟକ ମଙ୍ଗୁ ଖୁଲ, କାତରାକା ଆପାଲ ସ୍ବାମୀ, ପ୍ରଫୁଲ ପ୍ରଧାନ, ସତ୍ୟଜିତ ଗମାଙ୍ଗ ଓ ନିଳମାଧବ ହିଳକା ଉପସ୍ଥିତ ଥିଲେ ।
