କିଟ ମାମଲାରେ ବିଚାର ବିଭାଗୀୟ ତଦନ୍ତ ନ ହେଲେ ଧାରଣା ଦେବେ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି

ଭୁବନେଶ୍ୱର, 18 ଫେବ୍ରୁଆରି – କିଟ ମାମଲା ଓଡିଶା ଓ ଭାରତକୁ ସାରା ବିଶ୍ୱରେ ନିନ୍ଦିତ କରିଛି । ଏହି ମାମଲାର ବିଚାର ବିଭାଗୀୟ ତଦନ୍ତ କରାଯାଉ ଓ ଦଣ୍ଡ ଦିଆଯାଉ । ଏପରି କରା ନଗଲେ ସେ ଧାରଣାରେ ବସିବେ ବୋଲି କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି କହିଛନ୍ତି ।

ଶୂନ୍ୟକାଳ ରେ କଂଗ୍ରେସ ବିଧାୟକ ତାରା ବାହିନିପତି କିଟ୍ ପ୍ରସଙ୍ଗ ଉଠାଇଥିଲେ । ସେ କହିଛନ୍ତି ଯେ ସାରା ବିଶ୍ୱରେ ଓଡିଶା ନିନ୍ଦିତ ହେଲା। ନେପାଳ ସହ ଆମ ସମ୍ପର୍କ ଅତି ଘନିଷ୍ଠ। ଜଗନ୍ନାଥ ଙ୍କ ପାଇଁ କସ୍ତୁରୀ ସେଠାରୁ ଆସିଥାଏ। କିନ୍ତୁ ଯେଉଁଭଳି ଭାବେ ନେପାଳୀ ଛାତ୍ରଛାତ୍ରୀ ଙ୍କୁ କିଟ୍ କର୍ତ୍ତୃପକ୍ଷ ବାଡ଼େଇ ଲେ ତାହା ନୀନ୍ଦନୀୟ। ଦିଲ୍ଲୀ ଆଜି ଏହି ଘଟଣାରେ ପଡୁଚି ଉଠୁଚି। ଯେଉଁ ଭିଡିଓ ସବୁ ଭାଇରାଲ ହେଉଛି ତାକୁ ଦେଖିଲେ କାନ୍ଦ ଲାଗୁଛି। ଘଟଣାରେ ରେ ବିଚାର ବିଭାଗୀୟ ତଦନ୍ତ ହେବା ଦରକାର। ବିଚାର ବିଭାଗୀୟ ତଦନ୍ତ ନହେଲେ ମୁଁ ଧାରଣା ରେ ବସିବି ଗୃହରେ ବୋଲି ଚେତାବନୀ ଦେଲେ ତାରା।