ଭୁବନେଶ୍ୱର : ପ୍ରଦେଶ କଂଗ୍ରେସ ଭବନରେ ପିସିସି ସଭାପତିଙ୍କ ନିର୍ଦ୍ଦେଶକ୍ରମେ ସୋମବାର ୫୭ ଏସ୍ସି ଏସ୍ଟି ବିଧାନସଭାର ନେତୃତ୍ୱ ବିକାଶର ସମୀକ୍ଷା ହୋଇଛି । ବାଙ୍କନିଧି ବେହେରାଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଏସ୍ସି ଏସ୍ଟିଙ୍କ ପାଇଁ ୫୭ ଟି ସଂରକ୍ଷିତ ବିଧାନସଭା ନିର୍ବାଚନ ମଣ୍ଡଳୀର ଆସେମ୍ବ୍ଲି କୋଅଡ଼ିନେସନ କମିଟି ଗଠିତ ହୋଇଥିଲା । ଆଗାମୀ ଦିନରେ ଖୁବଶ୍ରୀଘ ସମସ୍ତ ବ୍ଲକ କୋଅଡ଼ିନେସନ କମିଟି ଗଠିତ କରାଯିବ ବୋଲି ସ୍ଥିରିକୃତ ହୋଇଥିଲା । ଏହି କାର୍ଯ୍ୟକ୍ରମରେ ଓବିସି ବିଭାଗର ଜାତୀୟ ସଂଯୋଜକ ରାଜ କିଶୋର ବାରିକ, ଏସ୍ସି ସେଲର ଜାତୀୟ ସଂଯୋଜକ ମାନସ ମଲ୍ଲିକ, ବରିଷ୍ଠ ଓବିସି ନେତା ବିଷ୍ଣୁ ବାରିକ, ସସ୍ମିତା ବେହେରା, ସହ ସଂଯୋଜକ ଜଗତଜୀବନ ମହାନ୍ତି, ଆଶିଷ ଲେଙ୍କା, ସୁକୁମାର ପ୍ରଧାନ, ରାଜୀବ ମହାନ୍ତି, ଐତିହ୍ୟ ଦିବ୍ୟ ସିଂହ ପ୍ରମୁଖ ଯୋଗଦେଇ ସଂଗଠନ ସମ୍ପର୍କରେ ମତବ୍ୟକ୍ତ କରିଥିଲେ ।
