ଆଇନଶୃଙ୍ଖଳା ପ୍ରସଙ୍ଗରେ ରାଜ୍ୟ ସରକାରଙ୍କ ଉପରେ ବର୍ଷିଲା କଂଗ୍ରେସ

ଭୁବନେଶ୍ୱର, 31 ମାର୍ଚ୍ଚ: ଆଇନଶୃଙ୍ଖଳା ପ୍ରସଙ୍ଗରେ ରାଜ୍ୟ ସରକାରଙ୍କ ଉପରେ ବର୍ଷିଲେ କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କଡ଼ାମ । ମହିଳା ସୁରକ୍ଷା ପ୍ରସଙ୍ଗକୁ ନେଇ ଗୃହ କମିଟି ପାଇଁ କଂଗ୍ରେସ ଦାବି କରିଥିଲା । 16 ଦିନ ପର୍ଯ୍ୟନ୍ତ ବିଧାନସଭାରେ କଂଗ୍ରେସ ଦାବି କରିଥିଲା । ସରକାର କୌଣସି କଥା କର୍ଣ୍ଣପାତ କଲେ ନାହିଁ । ତେଣୁ କଂଗ୍ରେସ ଆନ୍ଦୋଳନକୁ ଓହ୍ଲାଇଲା । ଏଭଳି ସଙ୍ଗୀନ ସ୍ଥିତି କେବେ ହୋଇନଥିଲା । 9 ମାସ ଭିତରେ ମାଆ, ଭଉଣୀ ଓ ଆଦିବାସୀ ଛାତ୍ରୀ ମାନେ ନିର୍ଯାତିତ ହେଉଛନ୍ତି । ସରକାର ଗଣତନ୍ତ୍ରରେ ବିଶ୍ୱାସ କରୁନାହିଁ । ନାରୀ ଯଦି ସୁରକ୍ଷିତ ହେବେ ନାହିଁ, ସରକାର ସୁରକ୍ଷିତ ରହିବ ନାହିଁ । ସରକାର ଅନ୍ଧ, ମୁକ ବଧିର ପାଲଟି ଯାଇଛି । ଆଇନଶୃଙ୍ଖଳା ବିପର୍ଯ୍ୟସ୍ତ ହୋଇଛି । ମୁଖ୍ୟମନ୍ତ୍ରୀ ମଧ୍ୟ ଏହା ଉପରେ କୌଣସି ବିବୃତି ଦେଲେ ନାହିଁ । ମୁଖ୍ୟମନ୍ତ୍ରୀ ଘମଣ୍ଡି ହୋଇଯାଇଛନ୍ତି । ସରକାର ନଶୁଣିବା ଫଳରେ 27 ତାରିଖ ଆନ୍ଦୋଳନ କଲା କଂଗ୍ରେସ । ସେମାନେ ବିରୋଧୀ ରେ ଥିବା ବେଳେ ଡାଲି ଓ ଚପଲ ଫିଙ୍ଗି ଥିଲେ । ସେମାନେ ବି ଅତୀତରେ ଘଣ୍ଟ ବାଡେଇଛନ୍ତି । ଆମେ ଗାନ୍ଧୀ ମୂର୍ତ୍ତି ତଳେ ଶାନ୍ତି ପୂର୍ଣ୍ଣ ପ୍ରତିବାଦ କରୁଥିଲୁ । ଲୋକଙ୍କ ସରକାର ବୋଲି କହି ଆସିଥିବା ଏହି ସରକାର ଲୋକଙ୍କ ସରକାର ନୁହନ୍ତି । ବିଜେପିର ଏଜେଣ୍ଡ ଓଡ଼ିଶାରେ ଖଣି, ପାଣି ଲୁଟ କରିବେ । ଓଡ଼ିଶାର ଅଧାରୁ ଅଧିକ ଖାଲନି ଗୁଜୁରାଟର ଖଣି ନିଗମକୁ ଦେଇ ସାରିଛନ୍ତି । ଡିଜି ଯେଉଁଭଳି ଭାବେ ଗୋଟିଏ ରାଜନୈତିକ ଦଳର ସଂଗଠକ ହିସାବରେ ଯେଉଁ ମନ୍ତବ୍ୟ ଦେଲେ ତାହାକୁ କଂଗ୍ରେସ ନାପସନ୍ଦ କରୁଛି । କଂଗ୍ରେସ କର୍ମୀଙ୍କ ଆନ୍ଦୋଳନକୁ ଦଙ୍ଗା ବୋଲି ଆଖ୍ୟା ଦେବା ଡିଜିଙ୍କ ମୁହଁରେ ଶୋଭା ପାଉନାହିଁ । କଂଗ୍ରେସ କର୍ମୀ ମାନେ କଣ ଆତଙ୍କବାଦୀ କି ? କଂଗ୍ରେସ ଦଙ୍ଗା କରୁଥିଲା କି ବୋଲି ପ୍ରଶ୍ନ କଲେ କଡ଼ାମ । ଗୋଟିଏ ଦଳର ସୁରକ୍ଷା ପାଇଁ ତାଙ୍କୁ ଡିଜି ଭାବେ ଦାୟିତ୍ଵ ଦିଆଯାଇନାହିଁ । ଆଇନଶୃଙ୍ଖଳା ରକ୍ଷା କରିବା ପାଇଁ ତାଙ୍କୁ ଦାୟିତ୍ଵ ଦିଆଯାଇଛି । ଯେ ପର୍ଯ୍ୟନ୍ତ ସରକାର ମହିଳାଙ୍କ ସୁରକ୍ଷା ଉପରେ ପଦକ୍ଷେପ ନ ନେଇଛି, ସେ ପର୍ଯ୍ୟନ୍ତ କଂଗ୍ରେସ ଲଢେଇ ଜାରି ରଖିବ । ବିଧାନସଭାକୁ କଂଗ୍ରେସ ବିଧାୟକ ଗଲେ ପୋଲିସ ବଳ ପୂର୍ବକ ଭାବେ ଅଟକାଉଛି । ଏଭଳି ଦମନଲୀଳାକୁ କଂଗ୍ରେସ କେବେ ବରଦାସ୍ତ କରିବ ନାହିଁ ବୋଲି ରାମଚନ୍ଦ୍ର କାଡାମ କହିଛନ୍ତି ।