ଭୁବନେଶ୍ୱର : ଏସୀୟ କ୍ରୀଡାରେ ଭାରତକୁ ସ୍ୱର୍ଣ୍ଣ ପଦକ ପରେ ବିଭିନ୍ନ ମହଲରୁ ଛୁଟିଛି ଶୁଭେଚ୍ଛାର ସୁଅ । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭାରତୀୟ ସୁଟର ଟିମକୁ ଶୁଭେଚ୍ଛା ଜଣାଇଛନ୍ତି ।
ସୋସିଆଲ ମିଡିଆ ଏକ୍ସରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଭାରତୀୟ ସୁଟର ଟିମ୍-ରୁଦ୍ରାକ୍ଷ ପାଟିଲ, ଦିବ୍ୟାଂଶ ସିଂ ପନୱର ଏବଂ ଐଶ୍ୱର୍ଯ୍ୟ ପ୍ରତାପ ସିଂ ତୋମାର ଏସୀୟ କ୍ରୀଡା-2023ର ସୁଟର ପୁରୁଷ ଇଭେଣ୍ଟରେ ସୂର୍ଣ୍ଣ ପଦକ ହାସଲ କରିଥିବାରୁ ଶୁଭେଚ୍ଛା ଜଣାଉଛି । ଏସୀୟ କ୍ରୀଡାରେ ସୂର୍ଣ୍ଣ ସହ ବିଶ୍ୱ ରେକର୍ଡ କରିଛି ଭାରତ । ଏହି ବିଜୟ ଧାରା ବଜାୟ ରଖି ଦେଶବାସୀ ଗୌରବ ଆଣନ୍ତୁ ବୋଲି କାମନା କରିଛନ୍ତି ମୁଖ୍ୟମନ୍ତ୍ରୀ ।
