ଶିମଲା : ଶିମଲାରେ ଖାଇକୁ ଖସିଲା କାର୍, ଜଣେ ମୃତ । ହିମାଚଳ ପ୍ରଦେଶ ଶିମଲାର ଚିଡଗାଓଁ ଥାନା ଅଞ୍ଚଳରେ ଏକ କାର ଖାଇ ଭିତରକୁ ଖସିବା ଯୋଗୁ ରୋହଲର ସରକାରୀ ସ୍କୁଲ ଶିକ୍ଷକଙ୍କ ମୃତ୍ୟୁ ହୋଇଛି । ଦୁର୍ଘଟଣାରେ ଜଣେ ମହିଳାଙ୍କ ସମେତ ତିନିଜଣ ଆହତ ହୋଇଛନ୍ତି ।
ପୋଲିସ ସୂଚନା ମୁତାବକ ରୋହଲ ସ୍କୁଲର ଷ୍ଟାଫରେ ଏକ କାରର ଘରକୁ ଫେରୁଥିଲେ । କାରରେ ଗୋଟିଏ ସ୍କୁଲର ଦୁଇଜଣ ଶିକ୍ଷକ, ଜଣେ ମହିଳା ଓ ଅନ୍ୟଜଣେ ସ୍ଥାନୀୟ ବ୍ୟକ୍ତି ଥିଲେ । ତେବେ କିଛି ଦୂର ଯିବା ପରେ କାରଟି ଭାରସାମ୍ୟ ହରାଇ ଖାଇ ଭିତରକୁ ଖସିପଡିଥିଲା । ଖବର ପାଇ ସ୍ଥାନୀୟ ପୋଲିସ ଓ ଲୋକେ ଉଦ୍ଧାର କରିଥିଲେ । ଆହତଙ୍କୁ ଖାଇରୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ 3ଜଣ ଆହତ ହୋଇଛନ୍ତି ।
