ଶିମଲା, 12 ଅଗଷ୍ଟ ହିମାଚଳ ପ୍ରଦେଶରେ ରାସ୍ତା ଧସିବା କାରଣରୁ ଏକ ବସ ଦୁର୍ଘଟଣାଗ୍ରସ୍ତ ହୋଇଥିବା ବେଳେ 13ଜଣ ଆହତ ହୋଇଛନ୍ତି । ମଣ୍ଡି ଜିଲ୍ଲାର ସୁନ୍ଦରନଗରରୁ ଏଚଆରଟିସିର ବସ୍ ଟି ରାଜଧାନୀ ଶିମଲା ଅଭିମୁଖେ ଆସୁଥିଲା । ତେବେ ସୁନ୍ଦରନଗର ଉପମଣ୍ଡଳର କାଙ୍ଗୁରୁ ଡେହରକୁ ସଂଯୋଗ କରୁଥିବା ରାସ୍ତାଟି ଧସିବା କାରଣରୁ ବସ୍ଟି 50 ଫୁଟ ତଳକୁ ଖସିପଡି ମାଟିରେ ଫସିଯାଇଥିଲା । ତେବେ ସୌଭାଗ୍ୟବଶତଃ ବସଟି ଖାଇ ଭିତରକୁ ଖସିନଥିବାରୁ ଅଳ୍ପକେ ବର୍ତ୍ତିଯାଇଛନ୍ତି ଯାତ୍ରୀ । ଦୁର୍ଘଟଣାରେ ଡ୍ରାଇଭର, ହେଲପର ସମେତ 13ଜଣ ଆହତ ହୋଇଛନ୍ତି । ଏମାନଙ୍କ ମଧ୍ୟରୁ 5ଜଣଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ଦୁର୍ଘଟଣା ପରେ ପୋଲିସ ଓ ପ୍ରଶାସନ ତୁରନ୍ତ ଘଟଣାସ୍ଥଳରେ ପହଞ୍ଚି ରେସକ୍ୟୁ ଅପରେସନ ଆରମ୍ଭ କରିଥିଲେ । ସୁନ୍ଦରନଗର ଡିସିପିଙ୍କ ଅନୁଯାୟୀ, ଯାତ୍ରୀମାନେ ସାମାନ୍ୟ ଆହତ ହୋଇଛନ୍ତି । ଏନେଇ ଥାନାରେ ଏକ ମାମଲା ମଧ୍ୟ ରୁଜୁ କରାଯାଇଛି ।
ସୂଚନାଯୋଗ୍ୟ, ଗତକାଲି ଚମ୍ବାରେ ଏକ ଜିପ୍ ଖାଇକୁ ଖସିବା କାରଣରୁ 6ଜଣ ପୋଲିସଙ୍କ ସହିତ 7ଜଣ ଲୋକଙ୍କ ମୃତ୍ୟୁ ହୋଇଥିଲା । ରାଜ୍ୟରେ ପ୍ରବଳ ବର୍ଷା ଯୋଗୁ ଭୂସ୍କଳନ ପରିସ୍ଥିତି ସୃଷ୍ଟି ହୋଇଛି । ଭୂସ୍ଖଳନ ଯେଗୁ 3ଶହରୁ ଅଧିକ ରାସ୍ତା ବନ୍ଦ ରହିଛି ।ସ୍ଖଳନ ଯୋଗୁ ମାଟିତଳେ ପୋତିହେଲା କାର୍, ୫ଜଣଙ୍କ ମୃତଦେହ ଉଦ୍ଧାର
