ଗଞାମ, ୨୦ ଅକ୍ଟୋବର (ହି.ସ.)- ବ୍ରହ୍ମପୁରର ଫାଷ୍ଟ ଗେଟ ନିକଟରେ ଅବକାରୀ ଗୁଇନ୍ଦା ବିଭାଗ ପକ୍ଷରୁ ଗାଡି ଧରପଗଡ ବେଳେ ଏକ ବୋଲେରୋରୁ ଦୁଇ ବସ୍ତା ଗଂଜେଇ ଜବତ କରାଯାଇଛି । ଗାଡିରେ ଥିବା ଦୁଇ ଜଣ ମହିଳାଙ୍କ ସହ ଚାଳକଙ୍କୁ ମଧ୍ୟ ଗିରଫ କରାଯାଇଛି । ଏଥିସହ ଜଣେ ନାବାଳିକାକୁ ମଧ୍ୟ ଧରି ଜୁଭେନାଇଲ ଜଷ୍ଟିସ ବୋର୍ଡରେ ହାଜର କରାଯାଇଛି । ସମସ୍ତ ଗିରଫ ଅଭିଯୁକ୍ତ ଝାଡଖଣ୍ଡର ହୋଇଥିବା ବେଳେ ଗଜପତିରୁ ଗଂଜେଇ ଆଣି ଝାଡଖଣ୍ଡ ଚାଲାଣ କରୁଥିବା ବେଳେ ଏମାନେ ଅବକାରୀ ହାତରେ ଧରା ପଡିଛନ୍ତି । ଜବତ ଗଂଜେଇର ଓଜନ ପ୍ରାୟ ୫୦ କେଜି ହେବ ବୋଲି ଜଣାପଡିଛି ।
