ବଲାଙ୍ଗିର : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା-ଖଡ଼ିଆଳ ୫୯ ନମ୍ବର ଜାତୀୟ ରାଜପଥ ଫୁଗୁଡା ଛକ ବୁଲାଣିଠାରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଟ୍ରକ ଧକ୍କାରେ ବୋଲେରୋ ଚୁରମାର ହୋଇ । ଘଟଣାସ୍ଥଳରେ ଦୁଇ ମୃତ ହୋଇଥିବା ବେଳେ ଅନ୍ୟ ଦୁଇ ଗୁରୁତର ହୋଇଥିବା ନେଇ ଖବର ମିଳିଛି। ଘଟଣାସ୍ଥଳରେ ବଙ୍ଗୋମୁଣ୍ଡା ପୋଲିସ ଓ ଅଗ୍ନିଶମ ବିଭାଗ ପହଂଚି ତଦନ୍ତ ଆରମ୍ଭ କରିଛି ।
ରାୟପୁରରୁ ବଙ୍ଗୋମୁଣ୍ଡା ଟ୍ରକ ଆସୁଥିବା ବେଳେ ବରଗଡ଼ ଜିଲ୍ଲା ଗାଇସିଲେଟ ଥାନା ଅନ୍ତର୍ଗତ ଗଉରେନମୁଣ୍ଡା ଗାଁରୁ ଏକ ବୋଲେରୋ ରେ ଚାରି ଜଣ ନୂଆପଡା ଜିଲ୍ଲା ସିନାପାଲି ନିଜ ଭଉଣୀ ଘରକୁ ଯାଉଥିବା ବେଳେ ରାୟପୁରରୁ ଆସୁଥିବା ଟ୍ରକଟି ବୋଲେରୋକୁ ସାମ୍ନା ପଟରୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ଦୁଇ ଜଣଙ୍କ ମୃତ୍ୟୁ ହୋଇଥିବା ବେଳେ ଦୁଇ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସେପଟେ ଦୁର୍ଘଟଣା ଘଟାଇ ଟ୍ରକ ଡ୍ରାଇଭର ଫେରାର ମାରିଛି । ଡ୍ରାଇଭର ତରଣୀ ସରାଫ ଓ କାହ୍ନା ସରାଫ ଦୁଇଜଣଙ୍କୁ କଣ୍ଟାବାଞ୍ଜି ହସ୍ପିଟାଲରେ ଭର୍ତ୍ତି କରାଯାଇଛି । ଅନ୍ୟପଟେ ମୃତବ୍ୟକ୍ତି ଦୁଇ ଜଣ ହେଲେ କିଶୋର ଦାସ ଓ ଲିଙ୍ଗରାଜ ସରାଫ ।
