ଭୁବନେଶ୍ୱର : ମୟୁରଭଞ୍ଜ ଜିଲ୍ଲାର ଯଶୀପୁର ଠାରେ ଭାରତୀୟ ଜନତା ପାର୍ଟି ପକ୍ଷରୁ ଆହୁତ ବନ୍ଦର ବ୍ୟାପକ ପ୍ରଭାବ ଦେଖିବାକୁ ମିଳିଛି । ଯଶୀପୁର ସହରର ମୁଖ୍ୟ ରାସ୍ତା ସମସ୍ୟାର ସ୍ଥାୟୀ ସମାଧାନ ସହିତ ବାଇ ପାସ ରାସ୍ତା କାମ ସମ୍ପୂର୍ଣ କରିବା ଦାବିରେ ଭାରତୀୟ ଜନତା ପାର୍ଟି ପକ୍ଷରୁ ସକାଳ 6ରୁ ଦିନ 12ଟା ଯାଏ ବନ୍ଦ ଆହ୍ୱାନ କରାଯାଇଥିଲା ।
ଆଜି ସକାଳୁ ସହରରେ ଦୋକାନ ବଜାର ସହ ଯାନବାହନ ଚଳାଚଳ ବନ୍ଦ ରହିଛି । ସକାଳୁ ବିଜେପି କାର୍ଯକର୍ତା ମାନେ ପିକେଟିଂ କରିବା ସହ ଏହି ଆନ୍ଦୋଳନକୁ ସଫଳ କରିବାକୁ ଆହ୍ୱାନ କରିଥିଲେ । ଜନସାଧାରଣଙ୍କ ପକ୍ଷରୁ ଏହି ଆନ୍ଦୋଳନକୁ ସମ୍ପୂର୍ଣ ସହଯୋଗ ମିଳିଥିବା ଦେଖିବାକୁ ମିଳିଛି ।ଯଶିପୁର ଦେଇ ଯାଇଥିବା 49 ନମ୍ବର ଜାତୀୟ ରାଜପଥ ର ଉଭୟ ପାର୍ଶ୍ୱ ରେ ଶହ ଶହ ଗାଡି ମୋଟର ଅଟକି ରହିଛି ।
