କନ୍ଧମାଳ : ଫୁଲବାଣୀ ସଦର ମହକୁମା ଠାରେ ଫୁଲବାଣୀ ନିର୍ବାଚନ ମଣ୍ଡଳୀର ବିଜୁ ଜନତା ଦଳର ଚାରୋଟି ବ୍ଲକ ଏବଂ ମ୍ୟୁନିସିପାଲିଟିକୁ ନେଇ ପବିତ୍ର ଗାନ୍ଧୀ ଜୟନ୍ତୀ ଏବଂ ଲାଲବାହାଦୁର ଶାସ୍ତ୍ରୀଙ୍କ ଜୟନ୍ତୀ ଅବସରରେ ଏକ ଜନସମ୍ପର୍କ ପଦଯାତ୍ରା କରାଯାଇଥିଲା। ଆଜିର ଏହି ପଦଯାତ୍ରାରେ ପ୍ରଥମେ ପେଂଜିସାହି ସ୍ଥିତ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିରେ ପୁଷ୍ପ ମାଲ୍ୟାର୍ପଣ କରି ମେନରୋଡ଼ ହୋଇ ଏକ ଶୋଭାଯାତ୍ରା ବାହାରି ଫୁଲବାଣୀ ମୁଖ୍ୟ ବଜାର ସ୍ଥିତ ପ୍ରବାଦ ପୁରୁଷ ବିଜୁ ବାବୁଙ୍କ ପ୍ରତିମୂର୍ତ୍ତି ପାଖରେ ପହଂଚି ବିଜୁ ବାବୁଙ୍କ ପ୍ରତିମୂର୍ତ୍ତିରେ ପୁଷ୍ପ ମାଲ୍ୟାର୍ପଣ ସାରି ଜିଲ୍ଲା ମୁଖ୍ୟ କାର୍ଯ୍ୟାଳୟ ଠାରେ ପୂର୍ବତନ ପ୍ରଧାନ ମନ୍ତ୍ରୀ ସ୍ବର୍ଗତ ଲାଲବାହାଦୁର ଶାସ୍ତ୍ରୀ ଏବଂ ଜାତିର ପିତା ମହାତ୍ମା ଗାନ୍ଧୀଙ୍କ ଫୋଟୋ ଚିତ୍ରରେ ପୁଷ୍ପ ମାଲ୍ୟାର୍ପଣ କରି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା।
ଆଜିର ଏହି କାର୍ଯ୍ୟକ୍ରମରେ କନ୍ଧମାଳ ବିଜୁ ଜନତା ଦଳ ପର୍ଯ୍ୟବେକ୍ଷକ ବିଜୟ ନାୟକ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ। ବିଧାୟକ ଫୁଲବାଣୀ ଅଙ୍ଗଦ କହଁର, ଜିଲ୍ଲା ସଭାପତି ସରୋଜ କର୍ଣ୍ଣ, ଜିଲ୍ଲା ମହିଳା ସଭାନେତ୍ରୀ ପୁନମ କହଁର, ଯୁବ ସଭାପତି ବିଷ୍ଣୁ ଚରଣ ମଲ୍ଲିକ, ଛାତ୍ର ସଭାପତି ସୁନୀଲ ସେଠି, ସ୍ଵତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷ ରଦନ ମଲ୍ଲିକ, ଉପାଧ୍ୟକ୍ଷା ଶ୍ରୀମତୀ ନଳିନୀ କହଁର, ଖଜୁରୀପଡା ବ୍ଲକ ଅଧ୍ୟକ୍ଷା ସୁଶ୍ରୀ ଅନିମା କହଁର, ଫୁଲବାଣୀ ବ୍ଲକ ଅଧ୍ୟକ୍ଷା ସସ୍ମିତା କହଁର, ଫୁଲବାଣୀ ମ୍ୟୁନିସିପାଲିଟି ଉପାଧ୍ୟକ୍ଷା ଶ୍ରୀମତୀ ପାୟଲ ବେହେରା, ଫୁଲବାଣୀ ବ୍ଲକ ସଭାପତି ବାଳକୃଷ୍ଣ ସାହୁ, ଚକାପାଦ ବ୍ଲକ ସଭାପତି ରାଜେଶ ଡିଗାଲ, ଫିରିଙ୍ଗିଆ ବ୍ଲକ ସଭାପତି ରଜନୀ ମଲ୍ଲିକ, ଖଜୁରୀପଡା ବ୍ଲକ ସଭାପତି ପଙ୍କଜ ମଲ୍ଲିକ, ନଗର ସଭାପତି ବିମଳ ପାଢ଼ୀ, ନଗର କାର୍ଯ୍ୟକାରୀ ସଭାପତି ସୁଧୀର କହଁର, ଜିଲ୍ଲା ସାଧାରଣ ସମ୍ପାଦକ କମଳ ବେହେରା, ରାଜ୍ୟ ସଂଖ୍ୟାଲଘୁ ସେଲର ସାଧାରଣ ସମ୍ପାଦକ ମହମ୍ମଦ ୟାସିନ ବେଗ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶିବ ପ୍ରସାଦ ତ୍ରିପାଠୀ, ଯୁବ ଉପ ସଭାପତି ପାର୍ଥ ବିଶ୍ଵାଳ, ସମ୍ପାଦକ ଦାରୁଣ ବେହେରା, ସହରାଞ୍ଚଳ ଯୋଜନା ବୋର୍ଡ ସଦସ୍ୟ ରାଜେନ୍ଦ୍ର ପାଢ଼ୀ, ମହିଳା ନଗର ସଭାନେତ୍ରୀ ଲଳିତା ମୁନି, ନଗର ବିଜୁ ଜନତା ଦଳର ସମସ୍ତ କର୍ମକର୍ତା ଏବଂ ବହୁ ସଂଖ୍ୟାରେ ଫୁଲବାଣୀ ନିର୍ବାଚନ ମଣ୍ଡଳୀର ସକ୍ରିୟ କର୍ମକର୍ତା ଉପସ୍ଥିତ ଥିଲେ।
ଆଜି ପବିତ୍ର ଅକ୍ଟୋବର ୨ ଗାନ୍ଧୀ ଜୟନ୍ତୀରୁ ଆରମ୍ଭ ହୋଇ ଅକ୍ଟୋବର ୧୧ ଜୟ ନାରାୟଣ ପ୍ରକାଶ ଜୟନ୍ତୀ ପର୍ଯ୍ୟନ୍ତ ପ୍ରତ୍ଯକ ବ୍ଲକ ମ୍ୟୁନିସିପାଲିଟିରେ ଥିବା ପ୍ରତ୍ଯକ ଘରେ ଘରେ ୱାର୍ଡ ପଞ୍ଚାୟତକୁ ଯାଇ ରାଜ୍ୟ ସରକାରଙ୍କ ବିକାଶର ବାର୍ତା ପହଞ୍ଚିବ।
