ବାର ଲାଇସେନ୍ସଧାରୀ ମାନେ ଗାଇଡଲାଇନ ନ ମାନିଲେ ଲାଇସେନ୍ସ ବାତିଲ ହେବ – ଅବକାରୀ ମନ୍ତ୍ରୀ

ଭୁବନେଶ୍ୱର, 1 ନଭେମ୍ବର- ବାରରେ ନୃତ୍ୟକୁ ସଂପୂର୍ଣ୍ଣ ନିଷିଦ୍ଧ କରାଯାଇଛି ଏବେ କେବଳ ଗୀତ ଗାଇବା ଓ ବାଜିବାକୁ ଅନୁମତି ଦିଆଯାଇଛି। ଅବକାରୀ ବିଭାଗ ପକ୍ଷରୁ ଅଣାଯାଇଥିବା ଏହି ଗାଇଡଲାଇନକୁ ଯଦି କେହି ଲାଇସେନ୍ସଧାରୀ ଉଲଂଘନ କରନ୍ତି ତେବେ ତାଙ୍କର ଲାଇସେନ୍ସ ବାତିଲ କରାଯିବ । ଆଜି ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ ଏହି ସୂଚନା ଦେଇଛନ୍ତି ।

ସେ କହିଛନ୍ତି, ବିଭାଗର ଗାଇଡଲାଇନକୁ ଯେଉଁମାନେ ଉଲ୍ଲଂଘନ କରିବେ, ସେଥିପାଇଁ ଲାଇସେନ୍ସି ଦାୟୀ ରହିବେ। ସେହି ଲାଇସେନ୍ସିଙ୍କର ଲାଇସେନ୍ସକୁ ସରକାର ରଦ୍ଦ କରିବେ। ଏପରିକି ମ୍ୟୁଜିକ କେତେ ଡେସିବିଲ ଭିତରେ କରିବେ, ତାର ମଧ୍ୟ ଗାଇଡଲାଇନରେ ଉଲ୍ଲେଖ କରାଯାଇଛି । ଏହାକୁ ଉଲ୍ଲଂଘନ କଲେ ବି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଓଡ଼ିଆ ଅସ୍ମିତା ଓ ସଂସ୍କୃତି ବିରୋଧୀ କାର୍ଯ୍ୟ କେବେ ବି ଓଡ଼ିଶାରେ କରିବାକୁ ଦିଆଯିବନି ବୋଲି ସେ ସ୍ପଷ୍ଟ କରିଛନ୍ତି ।