ଯାଜପୁର/ଧର୍ମଶାଳା : ଯାଜପୁର ଜିଲ୍ଲା ଦଶରଥପୁର ବ୍ଲକ ଅନ୍ତର୍ଗତ ବଳରାମପୁର ନିକଟରେ ଧସିଲା ବୈତରଣୀ ନଦୀ ବନ୍ଧ । ଆଜି ସକାଳେ ଏହି ଘଟଣା ଘଟିଛି । ପ୍ରାୟ ୫୦ ଫୁଟ୍ ଲମ୍ବର ବନ୍ଧ ଧସି ଥିବାରୁ ବନ୍ୟା ଆଶଙ୍କା ନେଇ ସାଧାରଣରେ ଭୟ ସୃଷ୍ଟି ହୋଇଛି । ଏବଂ ଏହି ଦୁର୍ବଳ ନଦୀ ବନ୍ଧ ରାସ୍ତାରେ ଯାତାୟାତ କରିବାକୁ ଭୟ କରୁଛନ୍ତି ସ୍ଥାନୀୟ ଜନସାଧାରଣ । ଖବର ପାଇ ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଂଚି ସ୍ଥିତିର ଅନୁଧ୍ୟାନ କରିଛନ୍ତି ଏବଂ ମରାମତି ନିମନ୍ତେ ଉଦ୍ୟମ ଚଳାଇଛନ୍ତି ।
