ହାଙ୍ଗଝୋ : ଏସୀୟ କ୍ରୀଡାରେ ଚିରାଗ ସେଟ୍ଟୀ ଓ ସାତ୍ତ୍ୱିକ ସାଇରାଜଙ୍କ ଭାରତୀୟ ଯୋଡି ବ୍ୟାଡମିଣ୍ଟନ ପୁରୁଷ ଯୁଗଳରେ ଭାରତ ପାଇଁ ଆଉ ଏକ ସ୍ୱର୍ଣ୍ଣପଦକ ଆଣିଛନ୍ତି । ଫାଇନାଲ ମୁକାବିଲାରେ ଭାରତୀୟ ଯୋଡି ଦକ୍ଷିଣ କୋରିଆ ଯୋଡି ଚୋଇ ସୋଲଗ୍ୟୁ ଓ କିମ୍ ଭୋହ୍ନାଙ୍କ ସେଟରେ 21-18 ଓ 21-16ରେ ମାତ ଦେଇଥିଲେ । ଏସୀୟ କ୍ରୀଡାରେ ପ୍ରଥମ ଥର ପାଇଁ ବ୍ୟାଡମିଣ୍ଟନରେ ସ୍ୱର୍ଣ୍ଣ ଜିତିଛି ଭାରତ ।
ଫାଇନାଲ ମୁକାବିଲାରେ ଭାରତୀୟ ଯୋଡି ଆରମ୍ଭରୁ ଭଲ ପ୍ରଦର୍ଶନ କରିଥିଲା । ଏହାପରେ କୋରିଆ ଯୋଡି ଭାରତୀୟ ଖେଳାଳିଙ୍କୁ ଟକ୍କର ଦେଇଥିଲେ । କିଛି ସମୟ ପାଇଁ କୋରିଆ ଯୋଡି ଭାରତୀୟ ଯୋଡିଙ୍କୁ ପଛରେ ପକାଇ ଦେଇଥିଲେ । କିନ୍ତୁ ଭାରତୀୟ ଯୋଡି ଦମଦାର ପ୍ରତ୍ୟାବର୍ତ୍ତନ କରି ବିଜୟ ହାସଲ କରିଥିଲେ ।
