ଭୁବନେଶ୍ୱର : ନରସିଂହପୁରରେ ଓଲଟିଲା ଯାତ୍ରୀବାହୀ ଅଟୋ । ଆଜି ସକାଳେ ପ୍ରାୟ 10ଜଣ ଯାତ୍ରୀଙ୍କୁ ନେଇ ଏକ ଅଟୋ ନରସିଂହପୁରର ଚମ୍ପେଶ୍ୱର ହାଟକୁ ଆସୁଥିଲା । ଓଲବ ନିକଟରେ ଅଟୋଟି ଭାରସାମ୍ୟ ହରାଇ ଓଲଟିପଡିଥିଲା । ଏହି ଅଟୋରେ 9ଜଣ ମହିଳା, ଜଣେ ପୁରୁଷ ଓ ଅଟୋ ଚାଳକ ଥିଲେ । ତେବେ ଓଭରଲୋଡିଂ ପାଇଁ ଅଟୋଟି ଓଲଟି ପଡିଥିବା ଜଣାପଡିଛି । ସମସ୍ତ ଆହତଙ୍କୁ ନରସିଂହପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ତେବେ 4ଜଣଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ଏସସିବି ସ୍ଥାନାନ୍ତର କରାଯାଇଛି ।
