ହାଙ୍ଗଝୋ : ଭାରତକୁ ଆଉ ଏକ ସ୍ୱର୍ଣ୍ଣ । ଚୀନର ଚମକିଲେ ଭାରତୀୟ ତୀରନ୍ଦାଜ । ଗୁରୁବାର ଏସୀୟ କ୍ରୀଡାରେ ଜ୍ୟୋତି ସୁରେଖା ଭେନ୍ନମ, ଅଦିତି ଗୋପିଚନ୍ଦ ଓ ପରନୀତ କୌରଙ୍କ ଭାରତୀୟ ତୀରନ୍ଦାଜ କମ୍ପାଉଣ୍ଡ ମହିଳା ଟିମ୍ ସ୍ୱର୍ଣ୍ଣ ପଦକ ହାସଲ କରିଛନ୍ତି ।
ଜ୍ୟୋତି, ଅଦିତି ଓ ପରନୀତଙ୍କ 3ଜଣିଆ ଟିମ୍ ଚୀନ ଖେଳାଳି ୟି-ହସୁଆନ-ଚେନ୍, ଆଇ-ଜୌ ହୁଆଙ୍ଗ ଓ ଲୁ-ୟୁନ ୱାଙ୍ଗଙ୍କୁ 230-229ରେ ପରାସ୍ତ କରି ସ୍ୱର୍ଣ୍ଣ ପଦକ ଜିତିଛନ୍ତି ।
ପ୍ରଥମ ସେଟରେ ଚୀନୀ ଖେଳାଳି ଭାରତକୁ କଡା ଟକ୍କର ଦେଇଥିଲେ ଏବଂ ଏହାକୁ 54-56ରେ ଜିତି ନେଇଥିଲେ । କିନ୍ତୁ ଏହାପରେ ଭାରତ ପୂରା ମ୍ୟାଚରେ ନିଜ ଦବଦବା ରଖି ତୀରନ୍ଦାଜୀକୁ ଦ୍ୱିତୀୟ ସ୍ୱର୍ଣ୍ଣ ପଦକ ହାସଲ କରିଛି ।
