ନୂଆଦିଲ୍ଲୀ : ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ଅକ୍ଟୋବର 5ରୁ ଆରମ୍ଭ ହେବାକୁ ଯାଉଥିବା ୱାନଡେ ବିଶ୍ୱକପ ପାଇଁ କମେଣ୍ଟାରୀ ପ୍ୟାନେଲର ଘୋଷଣା କରିଛି ।
ଏହି ପ୍ୟାନେଲରେ ଶେନ୍ ୱାଟସନ, ଲିସା ସ୍ଟାଲେକର, ରମିଜ ରାଜା, ରବି ଶାସ୍ତ୍ରୀ, ଏରୋନ ଫିଞ୍ଚ, ସୁନୀଲ ଗାଭାସ୍କାର ଏବଂ ମାଥ୍ୟୁ ହେଡେନଙ୍କ ପରି ବଡ ନାମ ରହିଛି । ଏମାନଙ୍କ ବ୍ୟତୀତ ନାସିର ହୁସେନ, ଇୟାନ ସ୍ମିଥ, ଇୟାନ ବିଶପ, ଭକାର ୟୁନିସ, ସନ୍ ପୋଲକ, ଅଞ୍ଜୁମ ଚୋପ୍ରା, ମାଇକେଲ ଏଥର୍ଟନଙ୍କ ସହିତ ଆହୁରି ଅନ୍ତର୍ଜାତୀୟ ଆଇକନ ଏବଂ ପୂର୍ବତନ କ୍ୟାପେଟନ କମେଣ୍ଟ୍ରି ବକ୍ସରୁ ଆପଣଙ୍କୁ ଲାଇଭ୍ ଖେଳର ବିବରଣୀ ଶୁଣାଇବେ ।
ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରୁ ନ୍ୟୁଜିଲାଣ୍ଡ-ଇଂଲାଣ୍ଡ ମଧ୍ୟରେ ପ୍ରଥମ ମୁକାବିଲା ବ୍ୟାଚ ଖେଳାଯାଇ ଟୁର୍ଣ୍ଣାମେଣ୍ଟ ଆରମ୍ଭ ହେବ ।
ସେହିପରି ଏମଏ ଚିଦାମ୍ବରମ ଷ୍ଟାଡିୟମରେ ଅକ୍ଟୋବର 8ରେ ଭାରତ-ଅଷ୍ଟେଲିଆ ମଧ୍ୟରେ ମ୍ୟାଚ ଖେଳି ଅଭିଯାନ ଆରମ୍ଭ କରିବ । ଅହମ୍ମଦାବାଦରେ ନଭେମ୍ବର 19ରେ ଫାଇନାଲ ମ୍ୟାଚ ଖେଳାଯିବ ।
