ନୂଆଦିଲ୍ଲୀ, 1 ଅକ୍ଟୋବର ରାଜଧାନୀ ଦିଲ୍ଲୀରେ ଥିବା ଆଫଗାନ ଦୂତବାସ ବନ୍ଦ । ଭାରତରେ ଏହାର ପରିଚାଳନା ବନ୍ଦ ନେଇ ଘୋଷଣା କରିଛି ଆଫଗାନିସ୍ତାନ । ଶନିବାର ବିଳମ୍ବିତ ରାତିରେ ଆଫଗାନ ଦୂତାବାସର ଅଫିସିଆଲ ସୋସିଆଲ ମିଡିଆ ସାଇଟ ଏକ୍ସରେ ଏନେଇ ସୂଚନା ଦିଆଯାଇଛି । ଆଫଗାନ ଦୂତାବାସ ପକ୍ଷରୁ ତିନି ପୃଷ୍ଠା ସମ୍ବଳିତ ଏକ ବୟାନ ଜାରି କରାଯାଇଛି ।
ଏହି ବୟାନରେ କୁହାଯାଇଛି ଯେ, ଏଠାରେ ତାଙ୍କ ସରକାରଙ୍କ ସମର୍ଥନର ଅଭାବ, ଆଫଗାନିସ୍ତାନର ସ୍ୱାର୍ଥର ଆଶା ପୂରଣ କରିବାରେ ବିଫଳତା ଏବଂ ସମ୍ବଳ ଏବଂ କର୍ମଚାରୀଙ୍କ ଅଭାବ ହେତୁ ଏହା ଅକ୍ଟୋବର ୨ ତାରିଖରୁ ଏହାର କାର୍ଯ୍ୟ ବନ୍ଦ କରୁଛି । ଏହାର ପରିଚାଳନା ବନ୍ଦ ପାଇଁ ଦୂତାବାସ ପକ୍ଷରୁ ଦୁଃଖ ପ୍ରକାଶ କରାଯାଇଛି । ବିବୃତ୍ତିରେ କୁହାଯାଇଛି ଯେ, ଆମେ ବହୁତ ଦୁଃଖ, ଅନୁଗ୍ରହ ଏବଂ ନିରାଶାର ସହିତ ଦିଲ୍ଲୀ ସ୍ଥିତ ଆଫଗାନିସ୍ତାନ ଦୂତାବାସର ପରିଚାଳନା ବନ୍ଦ କରିବାର ନିଷ୍ପତ୍ତି ଘୋଷଣା କରୁଛୁ ।
ଆଫଗାନିସ୍ତାନ ଦୂତାବାସ କହିଛି ଯେ ଭାରତକୁ ମିଶନର ସଂରକ୍ଷକ ଅଧିକାରକୁ ହସ୍ତାନ୍ତର ନ କରିବା ପର୍ଯ୍ୟନ୍ତ ଆଫଗାନିସ୍ତାନ ନାଗରିକଙ୍କ ପାଇଁ ଜରୁରୀକାଳୀନ ସେବା ବ୍ୟତୀତ ମିଶନର ସମସ୍ତ କାର୍ଯ୍ୟ ବନ୍ଦ କରିବାକୁ କଠିନ ନିଷ୍ପତ୍ତି ନେଇଛୁ।ବ
