ଧର୍ମଶାଳା : ଯାଜପୁର ଜିଲା ଚଣ୍ଡିଖୋଲ-ପାରାଦ୍ୱୀପ ଜାତୀୟ ରାଜପଥ କଂଟିଗଡିଆ ନିକଟରେ ଏକ ଅଜଣା ଗାଡି ଧକ୍କାରେ ଜଣଙ୍କର ମୃତ୍ୟୁ ଘଟିଥିବା ଜଣାପଡିଛି । ଗତ କାଲି ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଥିବା ବେଳେ ମୃତକ ଜଣକ ବିହାର ଅଂଚଳର ଡ୍ରାଇଭର ଜିତେନ୍ଦ୍ର ରାୟ ବୋଲି ଜଣାପଡିଛି । ସେ ଗତ କାଲି ରାତିରେ ରାସ୍ତା ପାଶ୍ୱରେ ତେଲ ଟ୍ୟାଙ୍କର ରଖି ବିଶ୍ରାମ ନେଉଥିଲେ । ତେବେ ରାତିରେ କୌଣସି କାରଣରୁ ସେ ଗାଡିରୁ ବାହାରକୁ ଆସି ରାସ୍ତା ପାରି ହେବା ସମୟରେ ଏକ ଅଜଣା ଗାଡି ତାଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ଆଜି ସକାଳେ ସ୍ଥାନୀୟ ଲୋକେ ଦେଖି ଆମ୍ବୁଲାନ୍ସ ଯୋଗେ ସ୍ଥାନୀୟ ମେଡିକାଲକୁ ପଠାଇ ଦେବା ସହିତ ଧର୍ମଶାଳା ପୋଲିସକୁ ଖବର ଦେଇଥିଲେ । ପୋଲିସ ମୃତ ଦେହକୁ ଜବତ କରି ଶବ ବ୍ୟବଚ୍ଛେଦ ନିମନ୍ତେ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇ ଦେଇ ତଦନ୍ତ ଜାରି ରଖିଛି ।
