ବାଂଲାଦେଶର ଚଟଗାଓଁରେ ଦୁର୍ଘଟଣା, ଦୁଇ ବସ୍ ମଧ୍ୟରେ ଧକ୍କା, 5 ମୃତ
ଢାକା : ବାଂଲାଦେଶର ଚଟଗାଓଁର ଲୋହାଗରା ଉପଜିଲ୍ଲାରେ ଆଜି ସକାଳେ ଦୁଇଟି ବସ୍ ମଧ୍ୟରେ ମୁହାଁମୁହିଁ ଧକ୍କା ଯୋଗୁ 5ଜଣ ଲୋକଙ୍କ ମୃତ୍ୟୁ ହୋଇଥିବା ବେଳେ ଅତିକମରେ 12ଜଣ ଆହତ ହୋଇଛନ୍ତି । ଆହତଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । ଢାକା ଟ୍ରିବ୍ୟୁଭ ଖବର କାଗଜ ମୁତାବକ ଦୋହାଜାରି ହାଇୱେ ପୋଲିସ କହିଛନ୍ତି ଯେ, ଏହି ଦୁର୍ଘଟଣା ଚଟଗାଓଁ- କାକ୍ସ ବଜାର ହାଇୱେର ଜଙ୍ଗଲାଇ ମଜାର ଗେଟ୍ ଅଂଚଳରେ ସକାଳ ପ୍ରାୟ ସାଢେ 7ଟାରେ ହୋଇଛି । ଏଥିରେ 5ଜଣଙ୍କ ମୃତ୍ୟୁ ହୋଇଥିବା ବେଳେ 10-12ଜଣ ଆହତ ହୋଇଛନ୍ତି । ସମସ୍ତ ଆହତଙ୍କୁ ବିଭିନ୍ନ ହସ୍ପିଟାଲକୁ ପଠାଯାଇଛି ।
