ପରିତ୍ୟକ୍ତ କୂଅରୁ ଉଦ୍ଧାର ହେଲା ଦନ୍ତାହାତୀ

ଭବାନୀପାଟଣା, ୧୦ ଅକ୍ଟୋବର – କଳାହାଣ୍ଡି ଜିଲା ଉତର ବନଖଣ୍ଡ ଅନ୍ତର୍ଗତ ନର୍ଲା ରେଞ୍ଜ ଜାମପଡ଼ା ନିକଟବର୍ତୀ ଏକ ପରିତ୍ୟକ୍ତ କୂଅରେ ବୁଧବାର ବିଳମ୍ବିତ ରାତିରେ ଖସିପଡିଥିଲା ଏକ ଦନ୍ତା ହାତୀ । ଗୁରୁବାର ପାହାନ୍ତିଆ ସମୟରେ ସ୍ଥାନୀୟ ଲୋକେ ଏହା ଦେଖିବା ପରେ ତୁରନ୍ତ ବନ ବିଭାଗକୁ ଖବର ଦେଇଥିଲେ । ଖବର ପାଇ ବନ ବିଭାଗ ରେଞ୍ଜର ଓ ବନପାଳ ସହିତ ଅନ୍ୟାନ୍ୟ ଟିମ୍ ଘଟଣାସ୍ଥଳରେ ପହଂଚି ପ୍ରାୟ ୨ ଘଂଟାର ଉଦ୍ୟମ ପରେ ହାତୀ ଛୁଆଟିକୁ କୂଅରୁ ସୁରକ୍ଷିତ ଭାବେ ଉଦ୍ଧାର କରିଛନ୍ତି । ଉଦ୍ଧାର ପରେ ଦନ୍ତା ହାତୀଟି ଜଙ୍ଗଲକୁ ପଳାଇ ଯାଇଥିବା ଜଣାପଡିଛି ।