କେନ୍ଦ୍ରାପଡ଼ା : କେନ୍ଦ୍ରାପଡା ଟାଉନ ଥାନା ଅଧିନ ସହରର ସାନ ମଙ୍ଗଳା ମନ୍ଦିର ସାମ୍ନାରେ ଥିବା ଏକ ଇଲେକ୍ଟ୍ରିକ ବାଇକ ସୋରୁମ ଆଗରେ ଥୁଆ ହୋଇଥିବା ବ୍ୟାଟେରୀ ଚାଳିତ ଗାଡିଟି ଆପଣା ଛାଏଁ ହୁତୁହୁତୁ ହୋଇ ଜଳି ଯାଇଥିବା ଦେଖିବାକୁ ମିଳିଛି । ଆଜି ପୂର୍ବାହ୍ନରେ ଏହି ସୋରୁମ କୁ ସର୍ଭିସିଂ ପାଇଁ ବ୍ୟାଟେରୀ ଚାଳିତ ଗାଡି ଜଣେ ଗ୍ରାହକ ଆଣିଥିଲେ । ତେବେ ଦୋକାନ ବାହାରେ ରାସ୍ତା କଡରେ ଗାଡିଟିକୁ ରଖି ଭିତରେ କଥାବର୍ତା କରୁଥିବା ସମୟରେ ଗାଡିଟି ଆପଣା ଛାଏଁ ଜଳି ଉଠିଥିଲା । ତେବେ ଏଥିରେ କାହାରି କିଛି କ୍ଷତି ହୋଇ ନଥିବା ଜଣାପଡିଛି । ସ୍ଥାନୀୟ ଲୋକେ ଘଟଣା ସ୍ଥଳରେ ରୁଣ୍ଡ ହୋଇ ନିଆଁକୁ ଆୟତ କରିଥିଲେ ।
