ଭୁବନେଶ୍ୱର, 12 ଅଗଷ୍ଟ – ଭୁବନେଶ୍ୱରର ବ୍ୟସ୍ତ ବହୁଳ ମାଷ୍ଟରକ୍ୟାଂଟିନ୍ ଛକରେ ଜଣେ ଯୁବକଙ୍କୁ ସଂଘବଦ୍ଧ ଆକ୍ରମଣ ହୋଇଛି । ୪ ଜଣ ଦୁର୍ବୃତ ଜଣେ ଯୁବକଙ୍କୁ ଗୋଡ଼ାଇ ଗୋଡ଼ାଇ ଧାରୁଆ ମାରଣାସ୍ତ୍ରରେ ହାଣିଛନ୍ତି । ଏଥିରେ ଯୁବକ ଜଣକ ଗୁରୁତର ଆହତ ହୋଇଥିବା ବେଳେ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତି କରାଯାଇଛି ।
ଆକ୍ରମଣ ଶିକାର ହୋଇଥିବା ଯୁବକ ହେଉଛନ୍ତି ମନୋଜ ଗୌଡ଼ । ତାଙ୍କ ଶରୀରରେ ବିଭିନ୍ନ ସ୍ଥାନରେ ଗଭୀର କ୍ଷତ ହୋଇଥିଲା । ମାଷ୍ଟର କ୍ୟାଂଟିନ୍ ଫାଣ୍ଡି ପୁଲିସ୍ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି କ୍ୟାପିଟାଲ୍ ହସ୍ପିଟାଲ୍ ରେ ଭର୍ତି କରିଥିଲା । ସେଠାରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ କଟକ ବଡ଼ ମେଡ଼ିକାଲ୍ କୁ ସ୍ଥାନାନ୍ତରିତ କରାଯାଇଛି । ଆକ୍ରମଣର କାରଣ ଜଣାପଡିନଥିଲେ ହେଁ ଚୋରି ସାମଗ୍ରୀ ଭାଗବଂଟାକୁ ନେଇ ବିବାଦରୁ ଏଭଳି କାଣ୍ଡ ଘଟିଥିବା ସ୍ଥାନୀୟ ଲୋକେ କହିଛନ୍ତି ।
