ଦମ୍ପତିଙ୍କ ଆତ୍ମହତ୍ୟା, ପୋଲିସର ତଦନ୍ତ ଆରମ୍ଭ
ଜୟପୁର, ୧୦ ଅକ୍ଟୋବର- ଜୟପୁର ସଦର ଥାନା ଅନ୍ତର୍ଗତ ବାମୁଣିପୁଟ ଗ୍ରାମରେ ରହୁଥିବା ସ୍ଵାମୀ ସୁମନ ସୌରା ସକାଳେ ବେକରେ ଶାଢି ଲଗାଇ ଆତ୍ମହତ୍ୟା କରିଥିବା ବେଳେ ଏହା ଦେଖି ସ୍ତ୍ରୀ ସୁମିତ୍ରା ସୌରା ମଧ୍ୟ ବେକରେ ଓଢଣି ଲଗାଇ ଆତ୍ମହତ୍ୟା କରିଛନ୍ତି ।
ପୋଲିସ ସୂଚନା ଅନୁଯାୟୀ, ସ୍ଵାମୀ ସୁମନ ସୌରା ଓ ସ୍ତ୍ରୀ ସୁମିତ୍ରା ସୌରା ପ୍ରତ୍ୟେକ ଦିନ ପରି ଗତରାତିରେ ମଧ୍ୟ ଗୋଟିଏ କୋଠରିରରେ ରହିଥିଲେ । ସକାଳେ ସ୍ଵାମୀ ଓ ସ୍ତ୍ରୀ ମଧ୍ୟରେ ବଚସା ହୋଇଥିଲ।। ଏଥିରେ ଉତ୍ୟକ୍ତ ହୋଇ ସ୍ଵାମୀ ସୁମନ ସୌରା ବେକରେ ଶାଢି ଦେଇ ଆତ୍ମହତ୍ୟା କରିଥିବା ବେଳେ ଏହା ଦେଶି ସ୍ତ୍ରୀ ମଧ୍ୟ ବେକରେ ଓଢଣି ଲଗାଇ ଆତ୍ମହତ୍ୟା କରିଥିଲେ । ଆଜିି ଦିନ ୧୧ଟାରେ ଜୟପୁର ସଦର ପୋଲିସ ସୂଚନା ପାଇଥିଲା । ସୂଚନା ଆଧାରେ ଜୟପୁର ଥାନା ଅଧୀକାରି ଇଶ୍ଵର ତାଣ୍ଡି ପହଞ୍ଚି ତଦନ୍ତ କରିଥିଲେ। ଘଟଣାସ୍ଥଳରେ ସାଇଣ୍ଟିଫିକ ଟିମ ମଧ୍ୟ ତଦନ୍ତ କରିଛି । ପୋଲିସ ସ୍ଵାମୀ ଓ ସ୍ତ୍ରୀଙ୍କ ଶବ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।
