କିସ୍ତୱାଡ, 3 ଅକ୍ଟୋବର, ଜମ୍ମୁର କିସ୍ତୱାଡ ଜିଲ୍ଲାର ଚଟରୁ ଅଂଚଳରେ ଗୁରୁବାର ସୁରକ୍ଷାବଳ ଓ ଆତଙ୍କବାଦୀଙ୍କ ମଧ୍ୟରେ କିଛି ସମୟ ପାଇଁ ଗୁଳି ବିନିମୟ ହୋଇଛି । ଔପଚାରିକ ସୂତ୍ର ମୁତାବକ ଜଙ୍ଗଲରେ ସଶସ୍ତ୍ର ଆତଙ୍କବାଦୀଙ୍କ ଉପସ୍ଥିତି ନେଇ ସୂଚନା ମିଳିବା ପରେ କିସ୍ତୱାଡର ଚଟରୁ ଅଂଚଳରେ ତଲାସୀ ଅଭିଯାନ ଜାରି ରହିଥିଲା ।
ଏହି ସମୟରେ ଲୁଚି ରହିଥିବା ଆତଙ୍କବାଦୀ ଓ ସୁରକ୍ଷାବଳ ମଧ୍ୟରେ ଗୁଳି ବିନିମୟ ହୋଇଥିଲା ।
ସୁରକ୍ଷାବଳର ମିଳିତ ଟିମ ଅଂଚଳକୁ ଘେରାବନ୍ଦୀ କରିଦେଇଛନ୍ତି । ଏଠାରେ ସୂଚନାଯୋଗ୍ୟ, ସେପ୍ଟେମ୍ବର 21ରେ ଜିଲ୍ଲାର ଚଟୁରର ଗଚରିନାଲ ଗାଁର ଡନ୍ନା ଧାର ବନାଂଚଳ ନିକଟରେ ଗୁଳି ବିନିମୟ ହୋଇଥିଲା ।
