ଜହାନାବାଦ, 12 ଅଗଷ୍ଟ – ବିହାରରେ ଜହାନାବାଦ ଜିଲ୍ଲାରେ ମଖଦୁମପୁରରେ ବାବା ସିଦ୍ଧନାଥ ମନ୍ଦିରରେ ଦଳଚକଟାରେ 7ଜଣ ଲୋକଙ୍କ ମୃତ୍ୟୁ ହୋଇଛି । ଏହି ଦୁର୍ଘଟଣାରେ ଅତିକମରେ 9ଜଣ ଲୋକ ଆହତ ହୋଇଛନ୍ତି । ଜହାନାବାଦ ଜିଲ୍ଲାପାଳ ଅଳଙ୍କୃତ ପାଣ୍ଡେ ଏନେଇ ସୂଚନା ଦେଇଛନ୍ତି । ସୋମବାର ସକାଳେ ସୂର୍ଯ୍ୟୋଦୟ ସମୟରେ ଏହି ଦୁର୍ଘଟଣା ଘଟିଛି । ମନ୍ଦିର ଅଂଚଳରେ ମୁତୟନ ପୋଲିସକର୍ମୀ ଓ ସ୍ୱେଚ୍ଛାସେବୀଙ୍କ ସହାୟତାରେ ରେସକ୍ୟୁ ଓ ରିଲିଫ ଅଭିଯାନ ଚାଲିଛି । ଆହତଙ୍କୁ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଛି । ଜିଲ୍ଲାପାଳ ଓ ଏସପି ମନ୍ଦିରରେ ପହଂଚିଛନ୍ତି ।ହସ୍ପିଟାଲରେ ମୃତାହାତଙ୍କ ପରିଜନ ପହଂଚିଛନ୍ତି ।
