ନୂଆଦିଲ୍ଲୀ – କଂଗ୍ରେସ ନେତା ଗୌରବ ଗୋଗୋଇ ଲୋକସଭାରେ ପାର୍ଟିର ଉପନେତା ଭୂମିକା ତୁଲାଇବେ । ଏହି ସଂପର୍କରେ କଂଗ୍ରେସ ଲୋକସଭା ଧ୍ୟକ୍ଷଙ୍କୁ ସୂଚନା ଦେଇ ଚିଠି ଲେଖିଛି ।
କଂଗ୍ରେସ ମହାସଚିବ କେସି ବେଣୁଗୋପାଳ ସୋସିଆଲ ମିଡିଆରେ କହିଛନ୍ତି ଯେ, କଂଗ୍ରେସ ସଂସଦୀୟ ଦଳର ନେତା ସୋନିଆ ଗାନ୍ଧି ଲୋକସଭା ଅଧ୍ୟକ୍ଷ ଓମ୍ ବିର୍ଲାଙ୍କୁ ପତ୍ର ଲେଖି ପାର୍ଟିର ଉପନେତା, ମୁଖ୍ୟ ସଚେତକ ଓ ଦୁଇଜଣ ସହାୟକଙ୍କ ସୂଚନା ଦେଇଛନ୍ତି । ସେ କହିଛନ୍ତି ଯେ, ସାଂସଦ କୋଡିକୁନ୍ନିଲ ସୁରେଶ ପାର୍ଟିର ମୁଖ୍ୟ ସଚେତକ ହେବେ । ସାଂସଦ ମଣିକମ ଟାଗୋର ଓ ସାଂସଦ ମହମ୍ମଦ ଜାଭେଦ ଲୋକସଭାରେ ପାର୍ଟିର ସଚେତକ ହେବେ ।
