ଭୁବନେଶ୍ୱର, 12 ଜୁନ – ବିଜେପି ମଙ୍ଗଳବାର ସନ୍ଧ୍ୟାରେ କେନ୍ଦୁଝରରୁ ୪ ଥର ବିଧାୟକ ମୋହନ ମାଝୀଙ୍କୁ ଓଡ଼ିଶାର ମୁଖ୍ୟମନ୍ତ୍ରୀ ଭାବେ ଘୋଷଣା କରିଛି ।
ମୁଖ୍ୟମନ୍ତ୍ରୀ ଭାବେ ଚୟନିତ ହେବା ପରେ ମୋହନ ମାଝୀ କହିଛନ୍ତି, ମହାପ୍ରଭୁ ଶ୍ରୀ ଜଗନ୍ନାଥଙ୍କୁ ପ୍ରଣାମ କରୁଛି । ମହାପ୍ରଭୁଙ୍କ ଆଶୀର୍ବାଦରେ ଓଡିଶାରେ ବିଜେପି ସରକାର ଗଠନ ହୋଇଛି । ରାଜ୍ୟକୁ ଏକ ନମ୍ବର କରିବାକୁ ସଂକଳ୍ପ ନେଉଛି । ଓଡ଼ିଶାର ସାଢେ ୪ କୋଟି ଜନତା ଆମ ଉପରେ ଭରସା କରିଥିବାରୁ ତାଙ୍କୁ ମଧ୍ୟ ଧନ୍ୟବାଦ ଜଣାଉଛି । ଚଳିତ ନିର୍ବାଚନରେ ଓଡ଼ିଶାର ଜନତା ଦୁର୍ନୀତି ଓ ଭ୍ରଷ୍ଟାଚାର ବିରୋଧରେ ସ୍ୱର ଉତୋଳନ କରିଥିଲେ । ସେମାନଙ୍କୁ ଧନ୍ୟବାଦ ଜଣାଉଛି ।
