ନୂଆଦିଲ୍ଲୀ : ପଶ୍ଚିମ ଦିଲ୍ଲୀର ବିକାସପୁରୀ ଅଞ୍ଚଳରେ ଥିବା ସି ବ୍ଲକରେ ଶନିବାର ଭୋରରୁ ଏକ ତିନିମହଲା ବିଲ୍ଡିଂରେ ନିଆଁ ଲାଗିଯାଇଥିଲା । ଦେଖୁଦେଖୁ ତଳମହଲା ଓ ଉପରମହଲା ସବୁ ଜଳି ଉଠିଥିଲା । ସୂଚନା ପାଇଁ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଥିଲା । ପ୍ରାୟ 5ଟି ଦମକଳ ଗାଡି ଦୀର୍ଘ ସମୟ ପ୍ରୟାସ ପରେ ନିଆଁକୁ ଆୟତ୍ତ କରିଥିଲେ ।
ଦମକଳ ବିଭାଗର ସୂଚନା ଅନୁସାରେ, ଭୋର ପ୍ରାୟ 3.30 ବେଳେ ନିଆଁ ଲାଗିଥିବା ନେଇ କଣ୍ଟ୍ରୋଲ ରୁମକୁ ଖବର ଆସିଥିଲା । ଘଟଣାସ୍ଥଳରେ ଭିନ୍ନ ଭିନ୍ନ ଦମକଳ ଷ୍ଟେସନରୁ ପାଞ୍ଚଟି ଗାଡି ଆସିପହଞ୍ଚିଥିଲା । ପ୍ରାୟ ଅଢେଇ ଘଣ୍ଟା ପ୍ରୟାସ ପରେ ସକାଳ 6.05 ମିନିଟରେ ନିଆଁକୁ ଆୟତ୍ତ କରାଯାଇଥିଲା । ଏହି ନିଆଁରେ କେହି ମୃତାହତ ହୋଇନାହାନ୍ତି ।
