ରୋମ୍, 10 ଅଗଷ୍ଟ ଟ୍ୟୁନିସିଆରୁ ଇଟାଲୀକୁ ଶରଣାର୍ଥୀଙ୍କୁ ନେଇ ଯାଉଥିବା ଏକ ଡଙ୍ଗା ବୁଡ଼ି 41 ଜଣଙ୍କର ମୃତ୍ୟୁ ଘଟିଛି। ସିସିଲି ଦ୍ୱୀପ ନିକଟରେ ଏହି ଘଟଣା ଘଟିଛି | ଇଟାଲୀ ଗଣମାଧ୍ୟମରେକୁହାଯାଇଛି ଉଦ୍ଧାରକାରୀ ଦଳ ଦ୍ୱାରା ଉଦ୍ଧାର ହୋଇଥିବା ଚାରିଜଣ ଶରଣାର୍ଥୀ ଗୁଇନ୍ଦା ଏବଂ ଆଇଭୋରୀ କୋଷ୍ଟର। ଏହି ଚାରିଜଣଙ୍କୁ କୋଷ୍ଟଗାର୍ଡ ଗିରଫ କରିଛି। ସିସିଲି ଦ୍ୱୀପ ଆଫ୍ରିକାର ନିକଟବର୍ତ୍ତୀ ଏବଂ ଶରଣାର୍ଥୀ ଚୋରା ଚାଲାଣ ପାଇଁ ଜଣାଶୁଣା |
ଗତ କିଛି ମାସ ମଧ୍ୟରେ ଟ୍ୟୁନିସିଆରୁ ଇଟାଲୀକୁ ଶରଣାର୍ଥୀଙ୍କୁ ନେଇ ଯାଉଥିବା ଅନେକ ଡଙ୍ଗା ଦୁର୍ଘଟଣାଗ୍ରସ୍ତ ହୋଇଛି। ଇଟାଲୀର ଆଭ୍ୟନ୍ତରୀଣ ମନ୍ତ୍ରଣାଳୟ ଅନୁଯାୟୀ, ଚଳିତ ବର୍ଷ 93,000 ରୁ ଅଧିକ ଶରଣାର୍ଥୀ ଇଟାଲୀରେ ପହଞ୍ଚିଛନ୍ତି। ଅଧିକାଂଶ ଶରଣାର୍ଥୀ ଗୁଇନ୍ଦା, ଆଇଭୋରୀ କୋଷ୍ଟ, ଇଜିପ୍ଟ ଏବଂ ଟ୍ୟୁନିସିଆରୁ ଇଟାଲୀରେ ପହଞ୍ଚିଥାନ୍ତି |
ଇଟାଲୀ ପ୍ରଧାନମନ୍ତ୍ରୀ ଜର୍ଜିଆ ମେଲୋନିଙ୍କ ସରକାର ୟୁରୋପୀୟ ୟୁନିଅନକୁ ଏହି ବେଆଇନ କାରବାରକୁ ରୋକିବା ପାଇଁ ଆହ୍ବାନ ଦେଇଛନ୍ତି।ଏହା ପରେ ମଧ୍ୟ ବହୁ ସଂଖ୍ୟକ ଶରଣାର୍ଥୀ ଚୋରା ଚାଲାଣକାରୀଙ୍କ ଡଙ୍ଗା ମାଧ୍ୟମରେ ଇଟାଲୀରେ ପହଞ୍ଚୁଛନ୍ତି।
