ବଲାଙ୍ଗିର : ଆଜି ପବିତ୍ର ମହାଳୟା । ମା’ ସମଲେଇଙ୍କ ଧବଳମୁଖୀ ବେଶ । ସ୍ୱଭାବତଃ ମା’ଙ୍କ ବର୍ଣ୍ଣ ଲୋହିତ ହୋଇଥିବା ବେଳେ ଆଜି କିନ୍ତୁ ମା’ ଶ୍ୱେତ ବର୍ଣ୍ଣ ଧାରଣ କରି ଭକ୍ତଙ୍କୁ ଦର୍ଶନ ଦେଇଛନ୍ତି । ବାଗ୍ଦେବୀ ସରସ୍ୱତୀ ତଥା ସର୍ବ ପାପହାରିଣୀ ମା’ ଗଙ୍ଗାଙ୍କ ବେଶ ବୋଲି ଧବଳମୁଖୀ ବେଶକୁ ଭକ୍ତମାନେ ଗ୍ରହଣ କରନ୍ତି । ଆଜି ମା’ଙ୍କୁ ଦର୍ଶନ କଲେ ଗଂଗା ଦର୍ଶନର ପୁଣ୍ୟ ପ୍ରାପ୍ତ ହୁଏ ବୋଲି ବିଶ୍ୱାସ ରହିଛି । ତେବେ ବେଶ୍ ଉତ୍ସାହ ଉଦ୍ଦୀପନା ସହ ଆଜି ମା’ଙ୍କୁ ଦର୍ଶନ କରି ଛନ୍ତି ଭକ୍ତ ଓ ଶ୍ରଦ୍ଧାଳୁମାନେ । ଆଜି ସହର ମଧ୍ୟରେ ଦେଉଳ ବନ୍ଧ ହିଡରେ ଥିବା ଦୁର୍ଗା ମନ୍ଦିର ରେ ମା ଦୁର୍ଗାଙ୍କ ଧବଳମୁଖୀ ବେଶକୁ ଦେଖିବାକୁ ସକାଳ ରୁ ବେଶ ଭିଡ଼ ଦେଖିବାକୁ ମିଳିଛି I ଆସନ୍ତା କାଲିଠାରୁ ନବ ରାତ୍ର ପୂଜା ଆରମ୍ଭ ମା ନଅଦିନ ବ୍ୟାପି ଭିନ୍ନ ଭିନ୍ନ ରୂପରେ ଦର୍ଶନ ଦେବେ I ପାର୍ବଣ ରୁତୁ ଆରମ୍ଭ ହୋଇଥିବାରୁ ପରିବେଶ ଚଳ ଚଞ୍ଚଳ ହୋଇ ଉଠିଛି .
