ଭୁବନେଶ୍ୱର : ଭୁବନେଶ୍ୱର ଉପକଣ୍ଠସ୍ଥ ଧଉଳି ଅଂଚଳରେ ଥିବା ଏକ ନିଶା ନିବାରଣ କେନ୍ଦ୍ରରେ ଯୁବକଙ୍କୁ ପିଟିପିଟି ହତ୍ୟା ଅଭିଯୋଗ ହୋଇଛି । ଝରଣା ସାହିର କାଳୁ ନାୟକଙ୍କୁ ପିଟିପିଟି ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ପରିବାର ଲୋକେ । ଅଭିଯୋଗ ପରେ ଧଉଳି ଥାନା ପୋଲିସ ଘଟଣାସ୍ଥଳରେ ପହଂଚି ସିସିସିଟିଭି ଜବତ କରିବା ସହ ମାଲିକଙ୍କୁ ପଚରାଉଚରା କରିଛି । ହତ୍ୟା ମାମଲା ରୁଜୁ କରାଯାଇଛି , ପୋଷ୍ଟମର୍ଟମ ରିପୋର୍ଟ ମିଳିବା ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ କହିଛି । ଧଉଳି ଥାନା ଅଧୀନରେ ସ୍ୱୀକାର ନାମକ ନିଶା ନିବାରଣ କେନ୍ଦ୍ରରେ ଗତ ୩ ମାସ ପୂର୍ବେ କାଳୁ ଭର୍ତି ହୋଇଥିଲେ ।
