ଜେରୁଜେଲମ : ଇସ୍ରାଏଲ ଉପରେ ହମାସ ଆକ୍ରମଣକୁ ନେଇ ମୁସଲିମ ଦେଶ ଭାଗ ଭାଗ ହେଉଥିବାର ଦେଖିବାକୁ ମିଳିଛି । ଇରାନ ଓ ଇରାକ ଇସଲାମିକ ସହଯୋଗ ସଙ୍ଗଠନର ବୈଠକ ଡାକିଛନ୍ତି । ସେପଟେ ସଂଯୁକ୍ତ ଆରବ ଏମିଟେଟ୍ ଏହି ମାମଲାରେ ଇସ୍ରାଏଲକୁ ସମର୍ଥନ କରିଛି ।
ଇସ୍ରାଏଲ ସେନାର ଆକ୍ରମଣକୁ ନେଇ ପାଲେଷ୍ଟାଇନର ସ୍ଥିତି ସମ୍ପର୍କରେ ଇରାନ ଇସଲାମିକ ସହଯୋଗ ସଙ୍ଗଠନର ଜରୁରୀକାଳୀନ ଅଧିବେଶନର ଆହ୍ୱାନ କରିଛି । ଏନେଇ ଇରାନ ରାଷ୍ଟ୍ରପତି ଇଣ୍ଡେନେସିଆ ରାଷ୍ଟ୍ରପତି ଜୋକୋ ଭିଡୋଡୋଙ୍କ ସହ ଟେଲିଫୋନ ଯୋଗେ କଥା ହୋଇଛନ୍ତି । ପାଲେଷ୍ଟାଇନର ଅଧିକାରକୁ ସମର୍ଥନ ଏବଂ ଇସ୍ରାଏଲ ସହ ଲଢିବା ଇସଲାମିକ ଉମା ଗଠନରେ ଅପରିବର୍ତ୍ତନୀୟ ସିଦ୍ଧାନ୍ତ ବୋଲି ସେ କହିଛନ୍ତି । ସେ ପାଲେଷ୍ଟାଇନକୁ ଇସଲାମୀ ଦୁନିଆର ପ୍ରହାରକାରୀ ହୃଦୟ ବୋଲି କହିଛନ୍ତି । ପାଲେଷ୍ଟାଇନର ସ୍ଥିତିକୁ ନେଇ ମୁସଲିମ ଦେଶର 57 ସଦସ୍ୟ ବିଶିଷ୍ଟ ଏକ ଜରୁରୀକାଳୀନ ଅଧିବେଶନ ଆୟୋଜନ କରିବା ଉପରେ ଗୁରୁତ୍ୱାରୋପ କରିଥିଲେ।
