ନୂଆଦିଲ୍ଲୀ : ସୋମବାର ଠାରୁ ଭାରତୀୟ ନୌସେନା ଓ ବାୟୁସେନା ଭାରତ ମହାସାଗର ଅଞ୍ଚଳରେ ଆଠଟି ଦେଶ ସହ ବାର୍ଷିକ ମିଳିତ ଏଚଏଡିଆର ଅଭ୍ୟାସ ଚକ୍ରବାତ ଆରମ୍ଭ କରିଛି । ଜଳବାୟୁ ପରିବର୍ତ୍ତନ ଯୋଗୁ ଆଇଓଆରରେ ପ୍ରାକୃତିକ ବିପର୍ଯ୍ୟୟ ପାଇଁ ସମ୍ବେଦନଶୀଳତା ଯଥେଷ୍ଟ ବୃଦ୍ଧି ପାଇଛି । ତେଣୁ, ଏହି ଅଭ୍ୟାସ ସମୟରେ ମାନବୀୟ ସଙ୍କଟ ଏବଂ ପ୍ରାକୃତିକ ବିପର୍ଯ୍ୟୟ ସମୟରେ ସାମୂହିକ ତଥା ସମନ୍ୱିତ ପ୍ରଭାବଶାଳୀ ପ୍ରତିକ୍ରିୟା ପ୍ରଣାଳୀ ବିକାଶ ଉପରେ ଗୁରୁତ୍ୱ ଦିଆଯିବ । ଭାରତୀୟ ନୌସେନା ଓ ବାୟୁସେନା ମିଳିତ ଅଭ୍ୟାସ 2016ରେ ଆରମ୍ଭ କରିଥିଲା । ଏହାପରେ ଉଭୟ ସେନା ଏହି ବାର୍ଷିକ ଅଭ୍ୟାସକୁ ଗୋଟିଏ ପରେ ଗୋଟିଏ ଆୟୋଜନ କରିଆସୁଛନ୍ତି । ଗତବର୍ଷ ବାୟୁସେନା ଆଗ୍ରା ଠାରେ ଏହି ଅଭ୍ୟାସର ଅନ୍ତିମ ସଂସ୍କରଣ ଆୟୋଜନ କରିଥିଲା । ଚଳିତ ବର୍ଷ ନୌସେନା ଗୋଆରେ ଏହି ଅଭ୍ୟାସ ଆୟୋଜନ କରିଛି । ଏହା ଅକ୍ଟୋବର 11 ତାରିଖ ଯାଏ ଚାଲିବ ।
