ଚଣ୍ଡୀଗଡ : ପଞ୍ଜାବର ଜଳନ୍ଧର ସହରରେ ଏକ ଗୋମାଂସ କାଟି ପ୍ୟାକ କରି ବିଦେଶକୁ ପଠା ଯାଉଥିବା ଫ୍ୟାକ୍ଟ୍ରିର ଖୁଲାସା ହୋଇଛି । ଏଠାରେ ରୋହିଙ୍ଗିଆ ମୁସଲମାନ ମାନଙ୍କ ଜରିଆରେ ଗୋମାଂସ କଟା ଯାଇ ପ୍ୟାକିଂ କରାଯାଉଥିଲା । ପଞ୍ଜାବର ହିନ୍ଦୁ ସଂଗଠନ ଗୁଡିକର ପ୍ରୟାସ ପରେ ଏଭଳି ଫ୍ୟାକ୍ଟ୍ରି ସମ୍ପର୍କରେ ଖୁଲାସା ହୋଇଥିଲା ।
ମିଳିଥିବା ସୂଚନା ଅନୁସାରେ ଗୋରକ୍ଷକ ଦଳର ସଦସ୍ୟ ମାନେ ସମ୍ପୂର୍ଣ ଯୋଜନା ଅନୁଯାୟୀ ଆଦମପୁର ପୋଲିସ ଥାନା ଅଂଚଳରେ ଥିବା ଘୋଗଡି ଗାଁରେ ରାସ୍ତା କ଼ଡରେ ଥିବା ଏକ ଘରେ ପହଂଚି ଥିଲେ । ପୋଲିସ ସେଠାରେ ପହଂଚି ରେଡ୍ କରିଥିଲା ।
ରେଡ ସମୟରେ ସେଠାରେ ଥିବା ଗାର୍ଡ ଫେରାର ହୋଇଯାଇଥିଲା । ପୋଲିସ ସେଠାରୁ 13 ଜଣଙ୍କୁ ଗିରଫ କରିଛି । ଏମାନଙ୍କ ମଧ୍ୟରୁ ଜଣେ ବିହାରର ଥିବା ବେଳେ 12 ଜଣ ରୋହିଙ୍ଗିଆ ମୁସଲମାନ ମାନଙ୍କୁ ଗିରଫ କରିଛି । ଏଠାରୁ ବିପୁଳ ମାତ୍ରାରେ ଗୋମାଂସ ଜବତ କରାଯାଇଛି । ଏଠାରେ ପ୍ୟାକିଂ କରାଯାଇ ଦିଲ୍ଲୀ ପଠା ଯାଉଥିଲା ଓ ସେଠାରୁ ବିଦେଶକୁ ପଠା ଯାଉଥିବା ଜଣା ପଡିଛି ।
