କେନ୍ଦ୍ରାପଡ଼ା : କେନ୍ଦ୍ରାପଡ଼ା ସହରର ମୀରପାଟଣା ଗ୍ରାମର ରମାକାନ୍ତ ବେହେରାଙ୍କ ଝିଅ କ୍ୟାଡେଟ୍ ମନୋରମା ବେହେରା ଓ ରାଜନଗରର ମନୋରଞ୍ଜନ ମିଶ୍ରଙ୍କ ଝିଅ ସିନିୟର ଅଣ୍ଡର ଅଫିସର ପ୍ରିୟଦର୍ଶିନୀ ମିଶ୍ର ସର୍ବ ଭାରତୀୟ ସ୍ଥଳସେନା କ୍ୟାମ୍ପରେ ଅଂଶଗ୍ରହଣ କରି କୃତୀତ୍ୱ ଅର୍ଜନ କରିଥିବା ଜଣାପଡ଼ିଛି । ନୂଆ ଦିଲ୍ଲୀ ଠାରେ ସେପ୍ଟେମ୍ବର ୧୯ରୁ ୨୯ ତାରିଖ ପର୍ଯ୍ୟନ୍ତ ଅନୁଷ୍ଠିତ ଏହି କ୍ୟାମ୍ପରେ ପ୍ରତି ରାଜ୍ୟରୁ ୪୦ ଜଣ ଲେଖାଏଁ ଛାତ୍ରଛାତ୍ରୀ ଭାଗ ନେଇ ମ୍ୟାପ ରିଡିଂ, ଜଗିଂ ଡିସଷ୍ଟାନ୍ସ, ଫିଇଡ ସିଗନାଲ, ଫାୟାରିଂ, ଲାଇନ ଏରିଆ ଆଦି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ଏଥିରେ ଓଡ଼ିଶା ତୃତୀୟ ସ୍ଥାନ ଅଧିକାର କରିଛି । ଏହି କ୍ୟାମ୍ପରେ ଯୋଗ ଦେବାପାଇଁ କଠିନ ତାଲିମ ଓ ୬ ମାସର ଚୟନ ପ୍ରକ୍ରିୟା ପରେ ଏହି ଦୁଇ ଛାତ୍ରୀଙ୍କୁ ସଫଳତା ମଳିଛି । ଏନସିସିର ମହା ନିର୍ଦ୍ଦେଶକ କ୍ୟାମ୍ପ ଭିଜିଟ କରିବା ଅବସରରେ ଛାତ୍ରୀମାନଙ୍କୁ ସମ୍ବର୍ଦ୍ଧିତ ଓ ପୁରଷ୍କୃତ କରିଥିଲେ ।
