ଖୋର୍ଦ୍ଧା : ଖୋର୍ଦ୍ଧା ସଦର ଥାନା ଅନ୍ତର୍ଗତ ତାପଙ୍ଗ କଳିଙ୍ଗ ମୁଣ୍ଡିଆ ପରିସରରେ ଥିବା ଖାଲରେ ଥିବା ପାଣିରେ ବୁଡି ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତ ଯୁବକ ଜଣକ କଟକ ସିଡ଼ିଏ ଅଞ୍ଚଳର ଆଶୁତୋଷ ବେହେରା।
ପୋଲିସ ସୂଚନା ମୁତାବକ ଆଶୁତୋଷ ଖୋର୍ଦ୍ଧା ଅଞ୍ଚଳକୁ ବୁଲିବାକୁ ଆସିଥିଲେ।ତେବେ କୌଣସି କାରଣ ବଶତଃ ଖଣି ଖାତରେ ଅସାବଧାନତା ହେତୁ ଗୋଡ଼ ଖସି ଯିବାରୁ ତାଙ୍କର ମୃତ୍ୟୁ ଘଟିଛି।ଖବର ପାଇ ସଦର ଥାନା ପୋଲିସ ପହଁଚି ମାଜିଷ୍ଟ୍ରେଟ ତଥା ତହସିଲଦାରଙ୍କ ଉପସ୍ଥିତରେ ଅଗ୍ନିଶମ ବିଭାଗ କର୍ମଚାରୀଙ୍କ ସହାୟତାରେ ଉଦ୍ଧାର କରାଯାଇଛି।ତେବେ ମୃତ ଯୁବକଙ୍କ ଶବକୁ ବ୍ୟବଚ୍ଛେଦ ନିମନ୍ତେ ଜିଲ୍ଲା ଡାକ୍ତରଖାନାକୁ ପଠାଇ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ କରୁଥିବା ଜଣାପଡ଼ିଛି।
